Ribadeo, 24 de xaneiro de 2019. O alcalde, Fernando Suárez, e a concelleira de Turismo, Ana Martínez, están estes días en Fitur mantendo unha serie de reunións de traballo co obxectivo de captar turismo para a localidade, sobre todo en tempada baixa. Este xoves, na Casa de Galicia, terá lugar a presentación internacional da sexta edición do Ribadeo Indiano, que se celebrará do 12 ao 14 de xullo.
A concelleira de Turismo, Ana Martínez, contou que “estamos dende a primeira hora desta mañá aquí na Feira de Fitur en Madrid, a delegación de Ribadeo, configurada polo Concello e por Acisa, traballando diferentes sectores do noso turismo e da economía local. Temos programadas algunhas reunións durante esta mañá, vinculadas fundamentalmente a dous sectores importantes como é o Camiño de Santiago, que nos axude un pouco a desestacionalizar e non centralizar nesa época máis estival, e tamén estamos presentando o conxunto dese Ribadeoxquesi, dese Ribadeo Indiano, do Ribadeo de praias e do Ribadeo de comercio e de compras”.
A edil ribadense cre que temos unha oportunidade importante neste marco da Feira Internacional de Turismo, e estamos aproveitando todos os recursos dos que se dispón aquí para facer chegar Ribadeo a diferentes axencias, a diferentes operadores turísticos, e para visibilizar o noso produto, o noso concello, a nivel de todo o Estado español e tamén á proxección internacional que pretendemos darlle non soamente co Camiño senón tamén con esa importante presentación que teremos hoxe pola tarde na Casa de Galicia. Nese acto de presentación internacional do Ribadeo Indiano haberá diferentes sorpresas, participacións a nivel de puntos distantes do mundo, onde a xente vai vincular e comentar a súa experiencia e o seu coñecemento dese proxecto de toda a sociedade ribadense porque é un pulso que se sinte en Ribadeo desde os seus comezos, e ese é o éxito”.
Ana Martínez convidou “á xente que poida estar aquí en Madrid hoxe pola tarde, que lle apeteza e que se queira achegar á Casa de Galicia a partires das oito, alí estaremos. A xente que non pode facelo desde Ribadeo ou desde outra parte do mundo que se conecte, a partires das oito, no facebook do Ribadeo Indiano”.
A concelleira agradece “dunha maneira sincera, xa que sen eles tampouco poderíamos facer este acto, a eses hostaleiros que vinculados ao Ribadeo de Tapeo, como é El Piano e El Oviedo, que nos van deleitar co cóctel que se servirá logo da presentación. Tamén agradecer a Pastelería La Alianza e a Panadería La Plaza pola aportación que fan con eses postres dedicados a Ribadeo. Seguiremos contando como se van desenvolver esta serie de xuntanzas e convidar a participar a quen poida estar aquí ou a facelo a través do facebook”.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
