Ribadeo, 28 de xaneiro de 2019. O Concello acometerá obras de mellora nas rúas Carlos III e Sor Pilar de León. Trátase da reparación do pavimento, pintado e sinalización deses vieiros. Os traballos suporán un investimento de 34.000 euros e as empresas interesadas poden presentar as súas ofertas ata o vindeiro 4 de febreiro.
O alcalde, Fernando Suárez, dixo que “queremos levar adiante a reparación de pavimento dun treito importante da rúa Carlos III e da rúa Sor Pilar de León. Hai que ter en conta que este ámbito está nunhas condicións non de todo correctas, especialmente a rúa Sor Pilar de León, pero tamén a rúa Carlos III está nunha situación que ten fochancas, problemas coa auga, etc…”.
O rexedor explicou que “fixemos un pequeno proxecto que, a partir desta mesma mañá, está no perfil do contratante do Concello de Ribadeo para que todas aquelas empresas que queiran puxar por este contrato o poidan facer. Teñen de prazo ata o día 4 de febreiro, ás dúas da tarde. O importe desta obra ascende a uns 34.000 euros e queremos humanizar con aglomerado asfáltico, con pintado e con sinalización”.
Suárez Barcia contou que “tivemos en conta que nesta zona está o colexio Sagrado Corazón e queremos facer as obras cando molesten menos, polo que estivemos planificando para que os traballos importantes de aglomerado se fagan nesa semana onde non hai colexio, concretamente do 2 ao 6 de marzo, para molestar o menos posible, sempre e cando as condicións climatolóxicas o permitan”.
O alcalde engadiu que “queremos darlle un novo impulso a toda esta zona, que é certo que se encontraba nunha situación que non era o máis agradable para ser un punto urbano relativamente céntrico, e queremos que á volta dunhas semanas se lle cambie a faciana totalmente”.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
