Ribadeo, 25 de xaneiro de 2019. Unha delegación do Concello de Ribadeo segue estes días en Fitur mantendo intensas xornadas de traballo que teñen como obxectivo a desestacionalización do turismo e a promoción do Camiño Norte co horizonte posto no ano 2021. A concelleira de Turismo, Ana Martínez, fai un balance moi positivo do acto de presentación do Ribadeo Indiano, que tivo lugar onte á noite na Casa de Galicia en Madrid. Dixo que foi unha xornada moi emotiva e agradeceu a asistencia a esta cita, así coma o seguimento que tivo a través das redes sociais.
Ana Martínez manifestou que “son días intensos de traballo os que estamos a ter aquí en Madrid na Feira Internacional de Turismo e que onte tiveron unha xornada especial onde o Concello de Ribadeo e a asociación de comerciantes de Ribadeo, Acisa, tivemos a oportunidade de presentar de xeito internacional ese magnífico evento histórico, cultural e turístico, como é o Ribadeo Indiano. Foi unha xornada emotiva, onde a participación na Casa de Galicia en Madrid, na delegación da Xunta, se viu desbordada por un gran número de persoas tanto ribadenses afincados na capital como xente que se quixo achegar dende o mundo do xornalismo, de diferentes administracións como foi o caso do Embaixador de Arxentina en España ou da Agregada Cultural da Embaixada cubana, e dentro das diferentes representacións das administracións dende a Xunta e da Deputación. Tamén puidemos disfrutar da compañía de moitos veciños que, afincados aquí en Madrid, se achegaron e incluso de xente que dende Ribadeo veu apoiar este evento”.
A edil ribadense subliñou que “foi probablemente a noite máis internacional do Ribadeo Indiano, onde tanto a representación do Concello, o alcalde e máis eu, como a representación da asociación de comerciantes, co seu presidente Francisco Iriarte, e o xerente, Jesús Pérez, tivemos a grata experiencia de poder transmitir todo o que supón este traballo conxunto, este pulso que recollemos da sociedade ribadense e que estamos a difundir a través do mundo. Acompañounos tamén a profesora da Universidade de Santiago de Compostela, profesora de hHstoria de América, Pilar Cagiao, e outros académicos que se achegaron para estar con nós, e poder presentar todo este compoñente histórico e que transmite dun xeito tan real, porque transformamos Ribadeo nun escenario próximo a finais do século XIX e principios do XX, do que supón por un lado o drama da emigración e por outro esa capacidade de transformalo nun evento tamén festivo e emotivo”.
A concelleira de Turismo quixo “agradecer a toda esa xente que tamén dende outras partes do mundo nos seguiu a través do facebook. Dende Ribadeo sei que nos estivo seguindo moita xente e dende toda A Mariña, pero tamén agradecer á xente que participou nesas conexións que tivemos con Nova York, Bos Aires, Londres, París a Atenas. Agradecer a eses ribadenses e a eses outros ribadenses de adopción que conectaron con nós. Unha sorpresa que tamén tíñamos, e que non puido estar presente porque nese momento estaba actuando moi pretiño da Casa de Galicia, pero que se quixo achegar cunha gravación que nos enviou dando un saúdo aos ribadenses que participamos e aos que se achegan a participar do Ribadeo Indiano, como é o cantautor cubano Pablo Milanés que nos mandou un afectuoso e agarimoso vídeo”.
Ana Martínez engadiu que “aquí seguimos traballando, seguimos indicando as posibilidades que se teñen para vir a Ribadeo, o que ofrece Ribadeo, a desestacionalización que podemos presentar a través do Camiño de Santiago, e ese futuro Ano Santo 2021 que se nos presenta ás portas cun gran número de oportunidades, e que estamos traballando e potenciando a través dun obradoiro de emprego que pedimos dende o Concello para poder acentuar este traballo. Polo tanto seguimos noutra serie de entrevistas e procurando sempre que Ribadeo estea no alto, que sexa un destino turístico de interese para cada vez máis persoas, e que sexamos un destino de calidade que repercuta no comercio, na hostalería e na economía local no seu conxunto”.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
