Burela 30-1-19. O Pescados Rubén Burela FS xa está na semifinal da XXVIII Copa Galicia, tras impoñerse esta noite ao SD Xove FS en derbi mariñán, por 2-6. Os de Juanma Marrube convértense no terceiro equipo en gañar o billete para a fase final tras os triunfos do Parrulo FS e Santiago Futsal fronte a Cidade de Narón (3-6) e Leis Pontevedra (0-6) respectivamente. O cuarto clasificado decidirarase entre Pizarras Los Tres Cuñados e Noia Portus Apostoli, o 13 de febreiro.
Foi Renato o encargado de adiantar os laranxas xa no minuto 4, ampliada a vantaxe por R. Vargas, no 17, nunha recuperación, e de novo coa Xoia Laranxa, nos últimos compases dunha primeira parte na que Juanma Marrube puxo en práctica o xogo de cinco a partir do minuto 7 alternando o propio Renato e Matamoros.
Os de Javier Pardeiro conseguiron reducir distancias no reinicio do derbi, no minuto 26, nas zapatillas de Pancho, de estratexia. Pouco despois, o 12 burelista enfundar a camisola de porteiro xogador. E pouco tardou en atopar o cuarto, de novo do andaluz R. Vargas, a pase de Pope. Superado o ecuador do segundo acto, os de Xove volveron atopar portería, de estratexia, tras un saque de banda finalizado por Manu. Non entanto, o Pescados Rubén non quixo ceder terreo e recuperou a vantaxe co 2-5, no 36, con Juanfran. Con tres minutos por diante, os locais apostaron polo xogo de cinco, con acumulación de faltas en ambas as filas. A falta de 35 segundos, R. Vargas asinou o seu hat-trick da cita, en contraataque.
Ficha técnica
SD Xove FS: Pulido, Nete, Mini, Cora, Bruno de Nois, cinco inicial; tamén xogaron Juanpe, Manu, Marcos, Pancho, Souka, Keko, Samu
Pescados Rubén Burela FS: Imanol, Porto, Juanfran, Renato, Hélder, cinco inicial; tamén xogaron Lucho, Luisma, Pope, R. Vargas, Matamoros, Joselito,
Goles: 0-1, minuto 4, Renato; 0-2, minuto 17, R. Vargas; 0-3, minuto 20, Renato; 1-3, minuto 26, Pancho; 1-4, minuto 29, R. Vargas; 2-5, minuto 32, Manu; 2-5, minuto 36, Juanfran; 2-6, minuto 40, R. Vargas
Árbitros: Coello Martínez // Rivas Fouz. Por Xove amarela a Cora (minuto 22), Mini (minuto 22), Bruno de Nois. Por Burela amarela a Matamoros (minuto 28), Pope (minuto 32), R. Vargas (minuto 36)
Incidencias: Partido correspondente a cuartos de XXVIII Copa Galicia disputado no pavillón municipal de Xove ante preto de 300 espectadores/as.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
