“Reafirmámonos: o alcalde baixa as subvencións para 2019 con repecto ao que el mesmo aprobou no PES en 2017 e tamén con respecto a 2018”, reiteran desde o GMP

Burela, a 19 de xaneiro de 2018.- O Grupo Municipal Popular de Burela (GMP) ratificouse hoxe, “punto por punto”, no escrito de alegacións ao orzamento xeral do concello para o exercicio 2019 que presentaron o pasado día 14, asegurando que “calquera que acceda ao portal de transparencia do concello pode encontrar tanto o Plan Estratéxico de Subvencións (PES) aprobado en abril de 2017 coma a acta do pleno do pasado día 21 de decembro e comprobar que o noso escrito de alegacións recolle fidedignamente as contías destinadas a subvencións para 2019 fixadas nos dous documentos (exceptuando a de EXPOMAR), un total de 180.150’00€ no PES e de 155.800’00€ nos orzamentos-2019, e polo tanto verificar que o alcalde é un mentiroso cando di públicamente que as axudas aumentan, nomeadamente as adicadas a emerxencia e servicios sociais e a das festas patronais. As de emerxencia e servicios sociais baixan de 41.500’00€ no PES a 25.200’00€ nos orzamentos/2019. 16.300’00€ menos, e as das festas patronais pasan de 40.000’00€ a 37.000’00€”.
Os populares aseguran ademais que, “con respecto a 2018, as subvencións para 2019 tamén baixan, pasando dun total de 170.800’00€ de 2018 aos 155.800’00€ de 2019, un descenso do 8’78%, mui lonxe do 0’19% que baixa o conxunto do presuposto. Neste caso, a partida 231 de servicios sociais pasa de 30.200’00€ en 2018 a 25.200’00€, 5.000’00€ menos, o 16’55% menos ca 2019. Ademais, e tamén con respecto a 2018, desaparece a partida 241, que estaba dotada con 15.000’00€, de subvencións a empresas para o fomento do emprego, da que non executou nin un só euro, o que demostra o seu nulo interese pola creación de emprego estable. Reiteramos que o alcalde é un mentiroso”.
O GMP afirma que “segundo a lei, os presupostos, logo de aprobados definitivamente, son de obrigado cumprimento, en contra do que di o alcalde, e só se poden modificar seguindo uns cauces mui concretos e estrictos. O alcalde non pode manexar os presupostos como a el lle dea a gana. E en todo caso quen está perxudicando ao tecido asociativo burelés son el e os seus concelleiros, que baixan as subvencións en 24.350’00€ con respecto ás que eles mesmos previron no PES para 2019”.
Para os populares, “decir que o PP entorpece a vida municipal e a realización de actuacións é unha falacia, é un intento de restarlle capacidade aos grupos políticos da oposición. A normativa legal vixente en materia de aprobación dos orzamentos municipais dá un prazo de quince días de exposición pública dos mesmos a partires da súa aprobación provisional, para que se presenten alegacións ou recursos, nos dous casos restrinxindo bastante os motivos para, precisamente, non entorpecer a vida municipal. Por eso o GMP presenta alegacións, dado que se incumple o marco de concesión de subvencións que o mesmo alcalde se autoimpuxo en 2017, sen que ninguén llo pedira, de aí que cando menos teña a obriga moral de cumprilo. Polo tanto, o que tén que facer o alcalde é deixarse de lerias e convocar un pleno para resolver as alegacións, porque xa puido ter convocado un pleno para resolver as nosas alegacións e os posibles recursos dede o día 16, e a día de hoxe non hai convocatoria de sesión plenaria algunha. E o que non debería facer en ningún momento é embarrar o campo decindo que estamos falando de previsións, o que demostra que descoñece a lei, e ter a unha persoa que descoñece a lei en materia municipal en cousas tan básicas é un risco para o concello e para a cidadanía”.