Esta fin de semana celebrouse en Ribadeo unha nova fin de semana tecnolóxica organizada por Apaga

Técnicos de PSA Peugeot Citröen, de Vigo, foron os encargados de impartir a formación teórico-práctica. Os vehículos eléctricos foron os protagonistas desta cita. Entre os temas abordados figuran: a seguridade, diagnose, sistemas de tracción, motores eléctricos, baterías, autonomía e mantemento dos vehiculos eléctricos. Trinta foron os profesionais que recibiron esta formación en Ribadeo. O presidente, Álvaro Doural, destacou a grande acollida que tivo esta convocatoria formativa “que obrigou a organizar dúas xornadas de traballo”. A vindeira fin de semana tecnolóxica, terá lugar o 16 deste mes tamén en Ribadeo. Versará sobre a aplicación do hidróxeno nos vehículos como combustible.