Burela 3-1-19. Non podía durar sempre. Avisaban durante a semana Juanma Marrube e Renato do perigo do Bisontes Castellón e así foi. Os valencianos demostraron que querían máis, con contundencia e claridade de xogo, e conseguiron romper a imbatilibilidade dos de Juanma Marrube, que a pesar do 0-4 en contra se manteñen na pugna da primeira praza, con 42 puntos, empatados con Betis, tras o 10-2 ante Tenerife.
Os laranxas responsabilizáronse da posesión do esférico, cunha presión asfixiante dos castellonenses, en primeira liña sen facer progresar o balón. Así o rival, non desaproveitou a súa primeira ocasión, no minuto 7, culminada por Txema, que gañou a partida fronte a Lucho e Edu, a pase de Genís. O 0-2 puido chegar na seguinte xogada, cun disparo cruzado David, que case roza o pau. Reaccionaron os laranxas cunha galopada de Iago Míguez, no 8, que salvou Nacho Serra coa man. Aos poucos foron facendo máis incisiva a súa circulación de balón os do Mariskal, xerando moito perigo sobre a rede castellonense. Dunha ocasión de ouro dispuxo R. Vargas, no minuto 15, recibindo un pase longo de Renato, que se lle foi por pouco. Renato, no 19, volveu poñer moito perigo desde saque de banda, nun disparo que non puido rematar Pope, pegado ao pau. Edu, a escasos 10 segundos para a bucina do descanso, despexou co pé a única chegada dos de Manolín, a tentativa de Genís.
Antes de cumprirse o segundo minuto da reanudación, foi precisamente Genís o que ampliou distancias para o Bisontes. Avisou R. Vargas en dúas ocasións, chegaron en galopada primeiro Iago Míguez e despois Juanfran, intentouno Mata desde saque de banda de Joselito… en menos de dous minutos. Volveu á carga o Pescados Rubén, cun roubo de Lucho, que non puido sentenciar Matamoros. Recompensa excesiva recibiron os visitantes, no 28, co 0-3 de Rangel, tras unha eterna loita de rexeites na área de Edu. Con case doce minutos por diante, Matamoros saíu como porteiro xogador. Chegaron un par de ocasións ás mans de Nacho Serra e aproveitou Castellón para ampliar con Juanito a pase de Malawy, con Pope baixo paus. Parecía omnipresente Nacho Serra fronte á avalancha laranxa. Definitivamente a fortuna non estaba hoxe ao lado local; Salah foi o obstáculo de Mata no dobre penalti (minuto 36), a defensa freou a Lucho en dúas ocasións (minuto 37) e Luisma estrelouse coa rede (minuto 38). Así pelexou ata a extenuación o Pescados Rubén sen éxito.
Ficha técnica
Pescados Rubén Burela FS: Edu, Luisma, Juanfran, Pope, R. Vargas, cinco inicial; tamén xogaron Lucho, Renato, Hélder, Iago Míguez, Joselito, Matamoros
Bisontes Castellón FS: Nacho Serra, Rangel, Diego, Malawy, David, cinco inicial; tamén xogaron Tití, Juanito, Pipi, Genís, Txema, Lorca, Salah
Goles: 0-1, minuto 7, Txema; 0-2, minuto 22, Genís; 0-3, minuto 28, Rangel; 0-4, minuto 30, Juanito
Árbitros: Miguel Velasco F. // Miguel Velasco R. (Castela e León). Por Bisontes amarela a Rangel (minuto 16), Pipi (minuto 32)
Incidencias: Partido correspondente á xornada 19 de Segunda LNFS disputado en Vista Alegre preto de 800 persoas.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
