Foz, 2 de febreiro de 2019.-O alcalde de Foz, Javier Jorge Castiñeira, reuniuse co delegado da Xunta en Lugo, José Manuel Balseiro, ao obxecto de trasladarlle a necesidade de acometer unha serie de obras de mellora nos centros educativos da localidade.
Entre as obras propostas está a renovación dos canlóns de augas pluviais no CEIP O Cantel, actuación que complementa e completaría os traballos executados durante o verán neste mesmo centro coa mellora da cuberta do pavillón.
O alcalde tamén solicitou a substitución da caldeira do CEIP número 1. A iniciativa permitirá modernizar o sistema de climatización actual por un moito máis eficiente desde o punto de vista enerxético e funcional.
Desde a administración autonómica non só toman nota destas dúas actuacións senón que incluso veñen de confirmar que serán executadas nas próximas semanas con cargo ao fondo RAM (Reforma, ampliación e mellora) cunha achega que supera os 23.000 euros.
Remodelación en profundidade
O rexedor tamén pediu que a Xunta valore unha remodelación en profundidade do colexio número 1, que xa no ano 2013 celebrara o seu 50 aniversario. O delegado comprometeuse a estudar esta posibilidade de común acordo coa unidade técnica que valorará as necesidades do centro.
Cómpre lembrar que esta mesma semana coñecíamos que a Xunta ten previsto executar unha obra de ampliación e mellora do instituto de Foz, en concreto do salón de actos, comedor e cafetería de prácticas, para a que se reservan 300.000 euros.
Castiñeira agradeceu a receptividade e boa dispoñibilidade do delegado da Xunta “para atender as nosas demandas” e destacou o bo traballo dos equipos de dirección dos centros educativos da localidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
