Santiago, 27 de febreiro de 2019. A deputada e voceira de Demografía no Grupo Parlamentario Popular, Raquel Arias, defendeu hoxe “a necesidade de protexer e garantir a esencia da Faba de Lourenzá, xa que recuperar e conservar as nosas variedades autóctonas, o noso material xenético vexetal, constitúe un valor engadido na alimentación e na agricultura galegas” e, ao mesmo tempo, “significa manter a herdanza cultural de Galicia”.
Raquel Arias fixo estas declaracións no transcurso do acto de entrega de sementes de Faba de Lourenzá da variedade local rexistrada Faba Galaica por parte do Consello Superior de Investigacións Científicas á Sociedade Cooperativa Terras da Mariña. No mesmo evento, celebrado na delegación do CSIC en Santiago de Compostela, deuse conta do inicio da transferencia de material e licencia de explotación á cooperativa.
Un acordo que permitirá aos cooperativistas a explotación comercial destas sementes con mellora xenética, con todas as garantías, libres de pragas e enfermidades e que conservan a pureza da variedade, froito de anos de investigación por parte da Misión Biolóxica de Galicia do CSIC.
Na súa intervención en rolda de prensa, Arias lembrou a implicación constante do Grupo Popular e a Xunta de Galicia para seguir impulsando un produto de calidade excelente amparado baixo a IXP Faba de Lourenzá. De feito Arias, a través do Grupo Popular, defendeu en xaneiro de 2017 unha iniciativa para a distribución desta semente entre os fabeiros para facer accesible a variedade autóctona Faba Galaica entre os produtores e, en consecuencia, aos consumidores, e que foi aprobada coa única abstención de En Marea.
Ademais en maio de 2017 a directora xeral de Gandaría, Agricultura e Industrias Alimentarias, Belén Docampo; representantes da IXP, socios da cooperativa Terras da Mariña e o investigador do CSIC Antonio de Ron, mantiveron unha xuntanza na que se acordou que o mesmo CSIC, que xa tiña dado pasos importantes na caracterización e mellora desa variedade local, fose o que finalizase o proceso e facilitase as sementes aos fabeiros da IXP.
ASENTAR POBOACIÓN NO RURAL
Arias destacou tamén que a posta a disposición da semente permitirá “garantir a calidade e mellorar a rendibilidade deste cultivo que ten unha relevante repercusión económica na comarca e contribúe a asentar e fixar poboación no rural como unha das claves para afrontar o reto demográfico”.
A deputada tamén asegurou que “os avances máis sólidos se conseguen cando existe cooperación entre administración, e estas coas iniciativas privadas”. Do mesmo xeito, Arias lembrou o seu vínculo persoal coa faba de Lourenzá, “a única que entra na casa dende que no ano 99 probei unha fabada con sabor da Mariña”.
No acto participaron, ademais de Arias, Eduardo Pardo de Guevara, delegado institucional do CSIC en Galicia; Antonio de Ron, xefe do grupo Bioloxía de Agrosistemas da Misión Biolóxica de Galicia do CSIC; José Cuadrado, presidente da Cooperativa Terras da Mariña; Vidal Martínez, ex alcalde de Lourenzá e Daniel Vega, deputado do PP pola Mariña.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
