Lugo, 2 de marzo de 2019.- A subdelegada do Goberno, Isabel Rodríguez, avanzou hoxe o inminente comezo dun importante proxecto para a mellora das comunicacións na Mariña. Trátase das obras de rehabilitación estrutural do firme da estrada N-642. Isabel Rodríguez destacou “a importancia destas obras que poñen de manifesto, de novo, que o compromiso deste Goberno coa mellora das infraestruras da provincia de Lugo demóstrase cos feitos”.
“O Executivo de Pedro Sánchez aposta pola modernización das comunicacións da provincia de Lugo e traballa para acabar coa marxinación á que foi sometida a comarca da Mariña”, remarcou Rodríguez. Explicou tamén que “con ese obxectivo o ministerio de Fomento vai investir case 2 millóns de euros, é un importante esforzo económico para poñer a punto a principal vía de comunicación da Mariña, para facilitar os desplazamentos de veciños, transportistas e turistas e para mellorar a seguridade vial da comarca.
A subdelegada lembrou que o Goberno deulle prioridade a esta rehabilitación estrutural porque a N-642 é unha vía de comunicación fundamental para a provincia, xa que esta estrada vertebra unha comarca moi poboada e de gran importancia para a economía da nosa provincia como é a Mariña.
1,5 MILLÓNS EN OBRAS DE URXENCIA
O ministerio de Fomento executará este proxecto logo das actuacións de urxencia que xa levou a cabo nos últimos meses, que supuxeron un investimento de máis de 1,5 millóns de euros, para paliar o mal estado desta estrada, logo de anos de abandono que provocaron un grave deterioro no seu pavimento, co conseguinte perigo para os condutores. O gran deterioro no pavimento, con fochancas de ata 10 cm de profundidade, obrigou a facer o ano pasado dúas actuacións de emerxencia nesta vía, unha por importe de 620.383 euros e outra de 729.567 euros.
DOCE MESES DE EXECUCIÓN
As obras que agora se van acometer consistirán na rehabilitación estrutural do firme da N-642, unha actuarción que se realizará en máis de 21 kilómetros, e teñen un prazo de execución de doce meses. Concretamente, esta nova actuación executarase entre os puntos kilométricos 26+950 e 28+800 e do 36+500 ao 55+000.
ÚLTIMA HORA
- Mägo de Oz pechará as Festas Patronais de Ribadeo cun gran concerto no recinto feiral
- O PP critica que Vilalba recorra a policías de Burela e As Pontes durante as festas por falta de efectivos
- Máis de 30 nenos e nenas participaron nas sesións de ioga organizadas polo Concello de Cervo dentro do programa estival Enredando no verán
- El Franco moderniza o seu sistema de saneamento coa renovación de seis estacións de bombeo
- Máis de 30 nenos e nenas participaron nas sesións de ioga organizadas polo Concello de Cervo dentro do programa estival Enredando no verán
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento. - O Curso de Verán de Pádel de Xove chegou ao seu fin tras desenvolverse durante os meses de xullo e agosto na pista municipal
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil. - O martes 1 de setembro, ás 20:30 horas, celebrarase no Teatro de Ribadeo o concerto solidario Música de Cine, organizado a beneficio da Asociación Española contra o Cancro
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian. - O Concello de Cervo mantén aberto ata o 1 de setembro o prazo de inscrición para o programa municipal de madrugadores, desenvolvido en colaboración coas ANPAs do CEIP Península da Paz e do CEIP de Cervo, co obxectivo de facilitar a conciliación das familias ao inicio da xornada escolar
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio. - Porcía celebrará o sábado 29 de agosto a 42ª Noite Celta, unha das citas culturais máis emblemáticas do Occidente asturiano
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural. - Este sábado, 29 de agosto, ás 22:30 horas, a Praza dos Campos en San Cibrao acollerá unha nova cita musical dentro do ciclo de Concertos do Xacobeo, impulsado pola Xunta de Galicia, coa actuación de Óscar Ibáñez & Tribo
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio. - Porcía acollerá o mércores 2 de setembro o XXXIII Encontro de Persoas Maiores de Tapia e El Franco
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
2021 Crónica 3 A Mariña - Implementado por GaliciaDigital