Riotorto, 2 de marzo, 2019. Clemente Iglesias González volverá a liderar a candidatura do Partido Popular ao Concello de Riotorto co obxectivo de revalidar a maioría absoluta acadada nos comicios do 2015. Esta é a terceira ocasión na que o actual rexedor popular encabeza a lista no seu municipio natal despois de que no 2011 xa gañara as eleccións, pero se vira relegado á oposición a falta de 3 votos para a maioría absoluta.
A presidenta do Partido Popular da nosa provincia, Elena Candia, agradece “o seu traballo dedicado durante os últimos oito anos aos riotortenses que deu os seus froitos ao lograr a súa confianza maioritaria no 2015”. Nesa liña, amósalle a súa confianza e convida ao alcalde a “seguir loitando polo municipio que nos últimos anos veu mellorados os seus servizos e atendidas as demandas dos seus veciños e veciñas demostrando que a mellor opción para Riotorto é sen dúbida o Partido Popular”.
O candidato do PP á alcaldía asegura que volve encabezar a lista de cara ás eleccións municipais do 26 de maio coas mesmas ganas de “satisfacer as demandas dos meus veciños e veciñas tratándoos a todos por igual”.
Iglesias explica que “un dos nosos proxectos prioritarios do noso programa era o polígono industrial. E, actualmente, trala aprobación do inicio dos trámites por parte do consello de administración de Suplusa para formalizar un convenio co Concello, atópase en fase de presentación do proxecto de urbanización despois de pasar polos trámites administrativos de plan especial e conseguir tódolos informes sectoriais previos”. Nese sentido, avanza que seguirá centrando o seu esforzo en dotar de solo industrial ás empresas interesadas en asentarse en Riotorto. Ante un último paso, o de ser aprobado polo Pleno, sairían á venda once parcelas que se entregarían aos interesados con todos os servizos de saneamento e abastecemento.
Outras das liñas de traballo nas que se centrará o popular será “na posta en valor dos nosos produtos locais –tanto dos procedentes do sector hortícola e agrogandeiro coma da artesanía do ferro- e a promoción turística dos nosos recursos entre os que se atopa o conxunto etnográfico do Mazo”. De feito, tamén aposta pola creación de aloxamentos de turismo rural no municipio e por ofrecer aos maiores un fogar residencial ou residencia da terceira idade.
Xestión eficiente: servizos, infraestruturas e actividades reducindo a débeda municipal
Clemente Iglesias destaca “a mellora dos servizos básicos nos distintos lugares do municipio e dos accesos aos núcleos rurais, así coma doutras infraestruturas ao tempo que logramos reducir a débeda municipal” como algúns exemplos da xestión do Goberno local neste mandato que tamén creou novas infraestruturas deportivas dirixidas aos mozos e mozas e apostou pola oferta de actividades deportivas e culturais que se ofrecen en tódalas parroquias para dinamizar a vida social dos veciños e veciñas de tódalas idades. Igualmente Iglesias pon en valor as medidas de conciliación da vida familiar e laboral que achegou o Concello grazas á casa niño impulsada polo Goberno popular da Xunta de Galicia ou os incentivos á natalidade para loitar contra a perda de poboación que sofre o concello.
Ante a importante porcentaxe de xente maior coa que conta o termo municipal de Riotorto, “temos incrementamos o servizo de axuda no fogar coa contratación de 14 auxiliares que permiten que non haxa lista de espera de persoas interesadas en recibir esta atención”.
O alcaldable popular tamén puxo en valor a mellora dunha vía moi importante para o noso concello, a LU-124. De feito, veñen de rematar recentemente os traballos de mellora impulsados pola Xunta nos tramos dende A Pontenova a Riotorto e dende a Cruz da Cancela-Lindin co enlace da A8.
Currículo
Clemente Iglesias González, licenciado en Ciencias Económicas e Empresariais, traballou ata o 2015 como funcionario municipal do Concello de Riotorto onde tamén foi secretario do xulgado de paz e do rexistro civil dende o 2005.
Afiliado dende o 2011 é alcalde de Riotorto dende as pasadas eleccións municipais do 2015 cando se presentou por segunda vez como cabeza de lista da formación do Partido Popular no seu municipio natal despois de defender dende a oposición os intereses dos veciños dende o 2011 cando xa se impuxo nas eleccións pero non lograra por 3 votos a maioría absoluta que lle permitise gobernar.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
