Ribadeo, 26 de abril de 2019. Cando faltan dez días para que remate a campaña das panchas o alcalde, Fernando Suárez, anima a todos aqueles que conten con esta moeda local a que a gasten ao longo dos vindeiros días nos comercios que participan nesta iniciativa. O rexedor subliña que a experiencia está a resultar moi positiva e asegura que xa foron canxeadas a metade das panchas, unhas 20.000.
Fernando Suárez comentou que “encarando a recta final, xa que quedan dez días para pagar coas panchas, a nosa moeda local, nesta iniciativa creada e financiada polo Concello de Ribadeo, que conta coa colaboración de ABanca e de ACISA, e coa que pretendemos dinamizar o noso comercio local e impulsar unha maior sensibilización de mercar no noso comercio, pois é sen dúbida unha roda circular que move o resto da economía do concello”.
O alcalde indicou que “a día de hoxe podemos dicir que a metade das panchas xa foron canxeadas polo comercio que está a participar nesta iniciativa, e a sensación que nos transmiten os comerciantes participantes é moi positiva, así como tamén a clientela en xeral, ben sexa de Ribadeo como do resto da Mariña ou do occidente asturiano”.
O rexedor animou “a que nos dez días que quedan se continúe nesta liña para que se gasten todas, para poder canxealas e seguir polo tanto dinamizando o noso comercio local con esta iniciativa que é segura, que é fiable, potente e que facemos en Ribadeo”.
A dez días para que remate a campaña das Panchas, a moeda local de Ribadeo, xa foron canxeadas arredor de 20.000. O Alcalde anima a gastalas nos comercios participantes antes do 5 de maio
Relacionado
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
