Viveiro 13-4-19. A plataforma cidadá Son Viveiro En Común quere seguir levando a voz das veciñas e veciños de Viveiro ao Concello, ao mesmo tempo que darlle continuidade ao traballo desenvolvido no último mandato. Deste xeito, concorrerá de novo ás Eleccións Locais que se celebrarán o 26 de maio, un acordo ao que se chegou na asemblea celebrada esta mañá.
Son Viveiro En Común aposta por un equipo renovado e cheo de xente xoven disposta a
aportar novas ideas e coa firme intención de traballar a prol dos e das viveireses e de intentar sacar ao noso Concello da parálise na que se atopa inmerso.
Na asemblea tamén se acordou cal será a lista coa que a nosa agrupación participará nas eleccións. Consideramos que é un grupo formado por moitas sensibilidades, de persoas procedentes de diferentes sectores, pero co mesmo denominador común de buscar un Viveiro máis dinámico, participativo e que volva ser o motor da Mariña.
Abrirá a candidatura unha persoa con demostrada experiencia en temas municipais e
capacidade de diálogo, xa que neste posto irá o actual concelleiro de Son Viveiro, Luís Manuel García Otero. A aposta decidida por escoitar e facer de altofalante das reclamacións da veciñanza do noso municipio derivou nunha profunda renovación da lista, que inclúe nos cinco primeiros postos a tres persoas que nunca participaran en anteriores citas electorais.
Para Son Viveiro En Común supón unha ledicia enorme que xente de diferentes idades se
anime a participar nuns tempos que non son nada fáciles.
Xunto a Luís Manuel García Otero, conforman os postos de saída Menalia Yáñez Basanta,
Lidia Feal Jiménez, Bruno Salgueiro Fanego e Manuel Lago Berdeal. A presenza de Menalia Yáñez, unha rapaza de 25 anos, ou de Manuel Lago, de 22, supoñen a entrada de aire fresco para unha candidatura aberta, plural, dinámica e con afán de continuar traballando.
Candidatura de Son Viveiro En Común para as eleccións municipais
Relacionado
-
A conselleira subliña en Meira que a rede de oficinas rurais é “fundamental para quen vive e traballa no rural”
-
O PSdeG de Abadín denuncia que goberno local incumpre as bases do Plan Deputación ao non instalar os carteis obrigatorios nas obras financiadas
-
O PP lucense coincide co sector empresarial na necesidade de adoptar medidas en materia enerxética, da fiscalidade, da innovación e do talento para “favorecer a competitividade da provincia”
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
