Burela, 10 de abril de 2019. O alcalde, Alfredo Llano, presentou hoxe en Santiago a Feira Náutico Pesqueira Expomar, que se celebrará do 9 ao 12 de maio en Burela. O rexedor burelés subliñou que este ano a superficie destinada á exposición será superior á de anteriores edicións, resaltou a celebración do Consello Galego de Pesca en Burela e tamén a importancia que este evento ten para o sector hostaleiro da localidade, ademais de para o pesqueiro.
Alfredo Llano declarou que “fixemos fincapé en que resulta importantísimo para Burela e para o sector náutico pesqueiro porque loxicamente vai dirixido para esta xente. Este ano é a edición 18 e pensamos que vai ser unha boa feira dado que agora mesmo xa temos todo ocupado e culminado. Está moi ben organizada, estívose traballando desde o ano pasado e agora podemos dicir que xa está todo preparado para abrir as portas”.
O tamén presidente da Fundación Expomar salientou que “hai que ter en conta que ademais de todo o que corresponde ao sector náutico pesqueiro especificamente como son os propulsores, a electrónica, a dotación dos barcos e todo iso que interesa, paralelamente imos facer dúas xornadas técnicas que van ser o xoves e o venres. A primeira xornada vai ser dedicada ao tema sociolaboral. Vai haber a exposición dun estudo que se fixo en Burela sobre os barcos da nosa flota. Vai haber unha representación de Cepesca e dos sindicatos e polo tanto pensamos que vai ser unha oportunidade grandísima para ter coñecemento de primeira man de como está a situación. O segundo que imos desenvolver é sobre o momento polo que atravesa a pesca e sobre o seu futuro, o Brexit e como vai afectar ás nosas flotas, os descartes, os caladoiros e todo o que ten moita repercusión no sector. Creo que van ser dous días interesantísimos con conferencias e participación”.
O rexedor dixo que “imos ter ademais unha singularidade este ano como é a celebración do Consello Galego de Pesca, que é a primeira vez que sae de Santiago de Compostela. Polo tanto cremos que é unha oportunidade interesante que fagan en Burela a súa sesión plenaria, que saquen conclusións e que as dean a coñecer no mesmo recinto feiral”.
Alfredo Llano engadiu que “temos todo preparado na nave de redes. Ampliamos este ano 500 metros máis porque hai moita demanda no sector para participar na Feira Expomar, de Burela. Isto significa que o sector agora mesmo ten moito interese en participar nesta cita, que é unha das máis importantes que hai en todo o estado español. Así que temos que estar moi contentos de que isto sexa así. É unha oportunidade para dar a coñecer o noso pobo, e é sempre un escaparate enorme onde se pode aproveitar para favorecer o turismo e a economía. Xa están agora mesmo todas as prazas dos hoteis collidas porque nos van facer moita falta para atender a toda a xente que vai vir eses días a Burela”.
A Feira Expomar foi presentada esta maña en ABanca, na praza de Cervantes en Compostela. O acto contou coa presenza de Mercedes Rodríguez, directora xeral de Pesca, Acuicultura e Innovación Tecnolóxica, que compareceu xunto ao alcalde burelés e a un representante de ABanca. Asistiron a esta cita o concelleiro burelés Ramiro Fernández Rey, así como representantes de Absa, da OPP, da xefatura territorial de Pesca en Lugo, de ABanca e o xerente da Fundación Expomar, entre outros.
Polos micrófonos pasaron entre outras as concelleiras de Cultura e Turismo: Begoña Sanjurjo e Marta Saíz; o alcalde, Dani Vega; a pdta de Acisa, Carmen Cruzado; a dtra da Coral Polifónica de Ribadeo, Mari Carmen Rdez Cancelo; a pregoeira, María Xosé Porteiro ou Ángel Terry, membro do afamado grupo de son cubano, Estrellas de Buena Vista y más que serán os encargados de pechar o evento na xornada do domingo.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
María José Gómez, participou este sábado nos actos de celebración do XI Ribadeo Indiano.
Con este xesto, o Concello quere expresar o seu máis fondo pesar e trasladar toda a súa solidariedade e apoio ás familias das vítimas, ás persoas afectadas e a toda a veciñanza, compartindo a dor por esta inmensa traxedia.
No acto, desenvolvido no Teatro, interviñeron o alcalde, Dani Vega, e a presidenta de Acisa, Carmen Cruzado. O Coro Sagrado Corazón puxo a nota musical a esta primeira cita deste evento histórico cultural. A continuación foi a baixada ao peirao na compaña do enxebre cuarteto Illa Pancha e xa en Porcillán tivo lugar a chegada dos indianos a cargo do prestixioso Grupo de Teatro de Ribadeo. Gallaeia Small Band e Septeto To’ Mezclao amenizaron o peirao e o Campo de Francisco esta primeira xornada do Ribadeo Indiano 2026. O sábado e o domingo desenvolverase un intenso programa de actividades pensadas para todos os públicos.
Unha actividade marcada polo deporte, o compañeirismo e o bo ambiente. Na categoría Sub-12, os equipos gañadores foron Xove Fútbol Praia, Viveiro Celtic e Sanci FC; en Sub-15, Cachupa, Wachines e Encueradores; en Sub-17, Hamburguesas FC, EnlaDepor e Wachines; e na categoría Sénior, Hamburguesas, La Org e Motototo. As medallas foron entregadas pola alcaldesa de Cervo, Dolores García Caramés, quen felicitou os equipos e agradeceu a participación das persoas inscritas, das familias, do público e dos colaboradores, destacando que fixeron posible unhas noites de fútbol praia inesquecibles. A programación deportiva continuará a semana do 20 de xullo coa celebración do torneo de Fútbol 3x3.
O músico ofrecerá un repaso polos clásicos de Dire Straits, Eric Clapton, Pink Floyd, Lou Reed, Bruce Springsteen, Bob Dylan, Joaquín Sabina e moitos máis, nunha xornada dedicada á música e á historia do local. Esta será a primeira das actividades que se irán anunciando con motivo do 25 aniversario, cunha cita marcada para o 12 de xullo, no propio Rincón de Mondoñedo.
