Lugo. 15, abril, 2019. O presidente do PP de Galicia, Alberto Núñez Feijóo, salientou que, fronte aos partidos que falan con catastrofismo e superficialidade, o PP é o único que cre e defende o rural: “O que menos precisa a España baleira son palabras baleiras”.
Así, durante unha visita a unha explotación gandeira en Lamaboa (Lugo), o líder do PPdeG destacou que, a diferenza do resto de formacións para os que o rural é un mero trámite, o PP conta cunha axenda do rural completa, con propostas detalladas e concretas. Neste punto, sinalou que un Executivo que goberna directamente co populismo, o nacionalismo e o independentismo; que arrisca o traballo das familias que traballan en Ence e das que venden madeira en Galicia; ou que cambia o regulamento de costas ameazando edificacións, depuradores, colexios, cetáreas, fábricas de conservas ou 3.500 explotacións bateeiras, non pode defender o rural
O PP RESPONDE AOS PROBLEMAS DO RURAL
Apuntou que, ante dificultades deste ámbito, o Partido Popular é a única formación que ten respostas. Así, dixo que, ante o problema demográfico, é preciso un modelo de financiamento que prime a dispersión e o avellentamento de lugares como Galicia e cunha política fiscal que priorice vivir no rural.
Do mesmo xeito, avogou por unha lexislación que dea prioridade ás tramitacións das industrias que se queiran implantar no rural; por un plan para a xestión das crises agrarias e a estabilización das rendas; por acceso a Internet, para continuar homologando as condicións de vida no ámbito rural e urbano; e porque o interior de Galicia estea no mapa coas mesmas infraestruturas que outros lugares de España.
Feijóo recalcou que o futuro do rural tamén se xoga nas institucións comunitarias, dee aí que sexa fundamental un goberno forte e que saiba negociar con Europa e “non un goberno títere que para gobernar necesite dos independentistas e dos nacionalistas”.
O RURAL, NO ADN DE GALICIA
Para o líder do PPdeG, o rural está no ADN de Galicia e que vai seguir marcando o futuro da nosa comunidade: “É posible conxugar rural e futuro”. Así, fronte aos que o desprezan, din que non hai expectativas e só lle saben atribuír estereotipos, Feijóo fixo fincapé en que o Partido Popular está disposto a seguir traballando por el e que aposta por políticas que atraian cada vez máis xente a vivir no rural e do rural. Por iso, pediu o voto para poder seguir dotándoo de recursos e oportunidades.
Así mesmo, resaltou que o Goberno galego demostra con feitos de que é unha garantía para o rural: ao destinar recursos a axudar ás familias con fillos; ao loitar contra o despoboamento, aprobando un Plan de Impostos Cero para adquirir ou permutar parcelas e para que os mozos e as familias numerosas poidan mercar unha vivenda máis barato nas vilas e nas aldeas; ao atraer emprendedores, impulsando indicacións xeográficas protexidas; ao mellorar a rendibilidade das explotacións, para o que xa se está traballando nunha lei de recuperación e posta en valor da terra; e ao potenciar o rural como lugar apto para novos sectores, como o polo aeronáutico de Lugo.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
