Burela. 13, abril, 2019. Manuel Rouco, o candidato popular á alcaldía de Burela, adianta os dous grandes eixos do seu programa electoral. “Por un lado, manifesta, abordaremos proxectos de futuro para garantir o desenvolvemento económico e social da nosa vila, logo destes catro anos de parálise socialista. Por outro, non perderemos de vista os problemas do día a día, que tamén lle afectan á cidadanía, e que estes anos estiveron postergados nas prioridades de Alfredo Llano e dos seus concelleiros”.
O candidato popular sinala que “dentro dos problemas do día a día, vimos como Llano, na súa liña, non asumía ningún compromiso co Centro de Atención Temperá, un servizo fundamental para os nenos e nenas de entre 0 e 6 anos que presentan trastornos transitorios ou permanentes no seu desenvolvemento e para as súas familias. A praza de logopeda pasou meses sen cubrir, e esta situación hai que corrixila”. Por iso, Manuel Rouco manifesta que “a candidatura que eu presentarei asumirá o compromiso de garantir o funcionamento do Centro de Atención Temperá ao cento por cento durante todo o ano, dotando nos orzamentos municipais a suficiente partida económica para garantir a cobertura permanente da praza de logopeda, e colaborando coa Xunta, pero tamén demandando, para que o centro reciba as aportacións económicas suficientes en tempo e forma”.
Tamén fai fincapé nunha situación que lle afecta á poboación que cursa estudos universitarios: “estamos na Semana Santa, e seguramente que a poboación estudiantil universitaria de Burela se atopará co problema de sempre, que a biblioteca non estará aberta todo o tempo preciso para estudar, situación que se deu no Nadal e no verán anteriores. Entendo que a isto hai que poñerlle solución, sen prexudicar ao persoal municipal funcionario ou laboral fixo desa dependencia. Arbitraremos medidas para que, a través dos plans de emprego da Xunta, da Deputación, ou ben o Concello cos seus propios fondos, se contrate persoal necesario e suficiente para que a biblioteca esteña aberta nos períodos vacacionais e así facilitar o estudo dos universitarios”.
Rouco considera que “o vindeiro goberno municipal, que será do PP, non terá obras para rematar nin proxectos para revisar, porque non hai nada comenzado. E por riba tocaranos solucionar estes problemas da vida cotiá que Llano e o seu equipo esqueceron e deixaron e lado”, conclúe
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
