Burela, 22 de maio de 2019. A Banda da Escola de Música de Burela foi presentada este mediodía e estrearase o vindeiro sábado, día 25, no pregón das festas patronais. Está formada por 30 persoas con idades que oscilan entre os 8 e os 69 anos. O seu director, Bruno Álvarez, agarda que se incorpore máis xente á Escola e tamén á Banda para así seguir medrando. No verán a formación descansará e retomarán os ensaios en setembro.
O concelleiro de Cultura, José Díaz, declarou que “vimos de presentar esta mañá unha nova agrupación dentro da Escola Municipal de Música. Trátase neste caso da Banda. Este feito fala moi ben do dinamismo da Escola de Música e das súas posibilidades para os alumnos que teñan esas opcións de formar parte desta Banda, da Orquestra ou da Agrupación de Jazz, que no seu momento presentamos”.
O edil subliñou que “eles levan moitos meses traballando na Escola para que a Banda acadase o nivel necesario para poder empezar a ter actuacións e participar en eventos. Este é o momento de que iso sexa así, xa teñen un pequeno repertorio que poden tocar para a xente en actuacións públicas e por iso decidimos que era un bo momento no propio pregón das festas de Burela o próximo sábado, día 25, sobre as oito menos dez. A partir de aquí esperamos contar coa Banda para diferentes actos ou eventos en Burela, faremos o posible porque sexa así e para que se sintan implicados. Todos os que participan son rapaces, moitos deles moi noviños e que participen en cousas que organiza o Concello é un elemento motivador. Eles teñen gañas tamén de aprender e progresar. Para este ano era moi pronto para que participaran na procesión de baixada da Virxe do Carme, pero penso que para o ano que ven case seguro que podemos ter a Banda da Escola Municipal de Música acudindo a este evento tan importante para o pobo. Iso significa que a Escola de Música nos permite sacar de aí músicos e grupos que participen dentro do pobo acompañados doutras bandas que sempre veñen doutros pobos de Galicia ou doutras comunidades”.
José Díaz dixo que “hai que agradecerlle a Bruno, que é director da Banda, e ademais profesor de guitarra na Escola desde que nosoutros incluímos ese instrumento musical en 2016. Está a cargo da Banda con gran capacidade para motivar aos pequenos. Sempre digo que temos en Burela na Escola Municipal de Música un nivel excelente de profesorado, penso que dos mellores da provincia de Lugo. Iso, xunto co traballo do director da Escola, axuda a ir engadindo especialidades ou agrupacións como neste caso, e poden xurdir moitas máis de rock, de blues, hai moitas variantes e con profesores dese nivel e que demostran esa implicación é moito máis fácil. Desde o Concello transmitímoslle ao director o desexo de que a Banda siga crecendo, que sexa moi importante dentro do organigrama do centro e que dure moitos anos”.
O director da Banda da Escola de Música de Burela, Bruno Álvarez, contou que “llevamos un tiempo con este proyecto en mente sobre todo desde el Concello y el director de la Escuela. Se planteó y empezamos a trabajar en ello. Vamos a hacer la presentación este sábado y también estrenaremos una obra de uno de los integrantes de la Banda, que su nombre es Andrés Fernández Cortés y el título de la obra es Yo qué sé. La Banda tiene alrededor de treinta músicos con edades desde los 8 años hasta los 69. La idea es que cualquier persona que quiera tocar un instrumento de viento y percusión que venga a la Escuela para ir creciendo poco a poco, hasta tener una Banda de grandes dimensiones”.
Para Bruno Álvarez “es difícil al principio, porque es difícil tener gente, pero a medida que vas creciendo y va cogiendo nivel la Banda yo creo que la gente va a tener más ganas de unirse. Ayer mismo me llegaba un whastapp de una chica que quería incorporarse”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
