Barreiros 14-5-19. 18 asociacións barreirenses adheríronse á iniciativa de promover un debate público e democrático entre as 3 formacións políticas que presentan candidatura ás eleccións municipais do 26 de maio ao Concello de Barreiros: PP, BNG e PSOE.
O candidato do PP e as candidatas do PSOE e BNG, foron contactadas telefonicamente o venres pola tarde para ser entregadas en man as cartas de convite a participar, e dispoñer do correspondente xustificante de entrega asinado. Dispoñían ata as 14h. deste luns, 13 de maio para responder coa aceptación ou non aceptación a participar no debate.
As candidatas do PSOE e BNG recollérono na tarde do venres e a candidata do BNG, Ana Ermida, aceptou a participación no mesmo momento da entrega da carta. A candidata do PSOE, María Carmen Veiga, entregou a súa aceptación a debatir, o sábado pola tarde.
O candidato do PP non respondeu ás chamadas e mensaxes ata máis avanzada a tarde e quedou en recoller persoalmente a carta ao día seguinte. Para que dispuxera da información o mesmo venres, enviouselle a carta en .pdf o venres pola tarde vía Whatsapp e respondeu “darse por comunicado”. Con todo, informouselle que iso non privaba de ter que recoller a carta fisicamente e asinar o xustificante de entrega, pero finalmente non a recolleu. A carta foille entregada de forma persoal na mañá deste luns na oficina da xestoría que rexenta. No mesmo momento de entrega da carta informou verbalmente que non ía aceptar e asinou a carta de NON ACEPTACIÓN indicando un motivos persoas que pediu expresamente que non foran dados a coñecer “no Facebook” (foi creada unha páxina nesta rede social a propósito do debate).
A organización do debate público lamenta que, unha vez máis, ocorra como hai 4 anos cando xa foi promovida esta mesma iniciativa e tampouco se puido levar a cabo pola negativa de Alfonso Fuente Parga.
Lamentan, igualmente, que non xurdira por parte do Partido Popular a proposta de que o número 2 da candidatura sustituira a Alfonso Fuente en dito debate, entendendo pois, e así facilitar e colaborar porque se levara a cabo un acto democrático no concello de Barreiros e así responder ás inquedanzas veciñais a e á iniciativa do movemento asociativo do concello.
Con todo, respetan ante todo as razóns indicadas e alédanse de que estas mesmas razóns non lle están privando ao alcalde en funcións seguir atendendo as súas obrigas no Concello e no seu traballo privado, así como tampouco o están a privar de acudir a actos públicos e de campaña.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
