Burela, 30 de maio de 2019. O programa Bufando (Burela actÚa Fronte Á violeNcia De xénerO) ponse en marcha para sensibilizar contra a violencia. O Concello deulle o pistoletazo de saída na xornada de onte, mércores, coa realización de talleres no CEIP Virxe do Carme da man do equipo de Retnova Proxectiva Consulting, SL
Bufando é un programa de intervención múltiple que busca desenvolver os acordos do Pacto de Estado contra a violencia de xénero dende o eido local. A concelleira de Igualdade, Noelia Mª Ben, explica que “neste sentido, desenvolveranse unha serie de accións de prevención destinadas á poboación de Burela, tendo en conta a súa diversidade e os diferentes ámbitos nos que se desenvolve día a día a vida do concello. O deseño do programa parte da consideración de que a prevención e a abordaxe das violencias de xénero precisa dunha incorporación progresiva da perspectiva de xénero por parte das institucións e da cidadanía no seu conxunto”.
E engade que “é por iso que as accións conxugan sensibilización con formación en diferentes idades (dende as máis temperás ata as persoas adultas) e materiais informativos e formativos sobre temas de actualidade como, por exemplo, a violencia de xénero nas redes sociais”.
O programa Bufando está financiado con cargo aos créditos recibidos do Ministerio de la Presidencia, Relaciones con las Cortes e Igualdad, a través da Secretaría de Estado de Igualdad, “co obxectivo de despregar o Pacto de Estado contra a violencia de xénero, a través dos entes locais. Porque aturar a violencia é cousa de todas e todos… Afastemos o machismo Bufando! este é o lema da campaña”, engadiu Noelia Mª Ben.
Burela actúa fronte á violencia de xénero Bufando. O Concello únese á erradicación desta lacra dende o eido local coa posta en marcha desta campaña no marco do pacto de estado
Relacionado
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
