Burela a 29 de maio de 2019. “Desde hai 10 días non teñen papel de mans e para as padiolas onde atenden aos pacientes, tamén levan case 15 días sen agullas de extracción para analíticas de adultos, tendo que utilizar agullas pediátricas o que está a provocar un atraso na recollida de mostras, do mesmo xeito falta material de papelería e hai escaseza de gasas entre outros materiais”, denuncian desde CIG Saúde.
“Isto débese á privatización do servizo e a escaseza de material abastecido froito dos recortes (a última vez o 16 de maio), de tal maneira que cando reciben o novo material aos poucos días xa está esgotado ou escasea”, denuncian.
A situación foi posta en coñecemento dos directivos de Lugo, verdadeiros responsables da xestión dos centros de saúde -a pesar de “vender” que a atención primaria sería xestionada desde o Hospital da Mariña-, “unha mentira máis dos dirixentes do Partido Popular para acalar as críticas e protestas”, afirman.
A solución achegada pola Xerencia de Lugo é o envío de “forma urxente” do material este venres. “Máis de dous días para repoñer o material?”, pregúntanse desde a central nacionalista.
“O SERGAS é o responsable de controlar á empresa privada e de garantir a abastecemento de material en tempo e forma, e esta situación, xa denunciada no seu momento, é o día a día de todos os Centros de Saúde e PACs da nosa comarca”, explica a CIG.
CONSECUENCIAS DAS POLÍTICAS PRIVATIZADORAS DO PARTIDO POPULAR.
Esta privatización, que afectou a todos os centros do SERGAS, foi adxudicado á empresa Severiano Xestión SL no mes de decembro de 2011 e foi completada o 19 de marzo de 2014. Abarca un período de once anos e ten un importe de 98.130.701,42 euros, IVE/IVE incluído. A privatización provocou a amortización de prazas e desabastecemento de material. “Na maioría dos casos estes megacontratos son por un período de tempo moi longo e as empresas están blindadas contra posíbeis decisións de reverter os servizos ao ámbito público”, sinalan desde a CIG-Saúde, para a cal a privatización está a “hipotecar o futuro da sanidade pública”.
Destacan que mentres a loxística dependía directamente do SERGAS, xestionada por persoal do servizo público de saúde, nunca se produciu carencia ningunha nas subministracións.
CIG Saúde explica que, as privatizacións responden á política do PP que beneficia a empresas, “na maioría dos casos ligadas a cargos da propia Administración pública, para faceren grandes negocios a conta da saúde de todos os galegos/as”.
Con esta táctica o PP entregou xa a mans privadas parcelas moi amplas dos centros sanitarios: o servizo de ambulancias, as telecomunicacións do Sergas, o almacenamento e subministro de material, o mantemento dos equipos sanitarios, a historia clínica (Ianus) e a receita electrónica, a central de chamadas (que presta un servizo penoso), a alta tecnoloxía etc.
“Se non somos capaces de frear esta estratexia privatizadora, no futuro será moi difícil recuperar a titularidade pública dos servizos privatizados”, conclúen desde CIG Saúde.
Os traballos, cun orzamento de case 190.000€, afectan aos catro primeiros quilómetros da vía. Habilitaranse desvíos alternativos, que estarán debidamente sinalizados.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
De 12:30 14:00 horas no CEIP Juan Rey farán actividades e demostracións. E de 18:00 a 21:00 horas na Praza do Concello haberá unha exposición estática e mini relevos. O Concello de Lourenzá destaca que é “unha oportunidade única para coñecer de preto o labor da Garda Real. Animámosvos a participar!”.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
