Burela, 13 de maio de 2019. O alcalde, Alfredo Llano, cualifica de excelente a XVIII Feira Expomar, que concluía onte na nave de redes tras catro días de intenso traballo. O rexedor destaca a importancia que este evento ten para Burela e para A Mariña, ademais de para o sector pesqueiro.
Alfredo Llano dixo que “unha vez rematada a Feira Exposición de Expomar, correspondente ao ano 2019, se tivéramos que poñer unha cualificación diría que foi excelente. Non dicimos isto nosoutros senón que os propios expositores, a xente que acudiu a esta feira con diverso material e servizos que se presentaron, foron os que nos dixeron que para a próxima edición tiñan intención clara de vir e ademais moitos deles falaban de ampliar o seu stand. Polo tanto, é xa un reto que temos, a ver como se pode ir facendo porque a feira deste ano pensamos que é unha das boas feiras do sector náutico pesqueiro e que realmente vai ser importante tanto no estado español como a nivel internacional”.
O alcalde e presidente da Fundación Expomar lembro que “houbo 130 expositores, máis de 350 firmas representadas, ampliamos o espazo de exposición de 3.500 a 4.000 metros cadrados, houbo moita afluencia todos os días, información e transaccións económicas, ou sexa que pensamos que cumpriu as expectativas e os obxectivos para os que se organiza, que é mover o sector náutico pesqueiro”.
Llano engadiu que “paralelamente houbo as Xornadas Técnicas con moi bos relatores. Tratáronse asuntos socio laborais e temas específicos de pesca. Tamén tivemos a gran sorte de contar co Consello Galego de Pesca e co Encontro Empresarial. Foron catro días moi intensos e moi rentables en todos os aspectos. Levábamos moito tempo organizando esta feira e pensamos que saíu moi ben”.
Para o presidente da Fundación Expomar “isto é algo que favorece moitísimo ao sector náutico pesqueiro, pero tamén a Burela porque grazas á feira fomos protagonistas e a vila sae beneficiada. Estiveron ocupados todos os hoteis da vila e tamén houbo xente noutros hoteis da Mariña, de modo que favorece que se visite a nosa comarca no futuro, independentemente da Feira Expomar”.
A XVIII Feira Monográfica Náutico-Pesqueira rematou onte na nave de redes, cun acto de homenaxe a Catalina Sánchez, a Narciso González, e ao programa da TVG “Vivir o mar”.
Alfredo Llano cualifica de excelente a XVIII Feira Expomar e destaca a importancia que o evento tivo para a comarca da Mariña
Relacionado
-
Os residentes da Rúa da Fonte de Mondoñedo piden alternativas ao cambio de nome e propoñen outras formas de homenaxear a Xosé Vizoso
-
Once retos clave para o futuro da pesca: conclusións da Interfederativa de Foz
-
O Concello de Lourenzá organiza unha charla e unha merenda solidaria polo Día do Cancro de Mama
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
