O Valadouro, 23 de maio de 2019. Diríxome aos medios de comunicación para denunciar a actitude do alcalde do Valadouro, pois o señor Maseda está a incumprir as normas do xogo democrático na presente campaña electoral de forma reiterada.
De todos é sabido que en período electoral a lexislación prohibe certas prácticas relacionadas coa inauguración de obras e servizos públicos ou proxectos vinculados a estes.
Nesta campaña o señor Maseda non deixou de repetir ante a veciñanza que ten practicamente acabada a dotación dunha piscina infantil, cando a realidade é que as obras nin sequera comezaron.
Aparece este alcalde en todos os medios falando da creación dunha cooperativa de vivenda, e hoxe xoves, penúltimo día de campaña electoral, convoca unha reunión cos veciños interesados neste proxecto, aproveitándose da necesidade e a boa fe das familias que carecen de vivenda propia. A realidade é a seguinte:
Resulta demagóxico e contrario á verdade afirmar que o Concello posúe os terreos da hipotética cooperativa, pois a mecánica legal marca unhas pautas que o alcalde está a ocultar ou quizais descoñece. O terreo non se pode adxudicar directamente a cooperativa ningunha, senón que deberá saír a poxa pública. Do mesmo xeito, deberá producirse unha valoración pública en función do mercado, que non ten por que corresponder co prezo de compra, sobre todo se o terreo en cuestión provén dun embargo bancario.
Por outra banda, o histórico proxecto do polígono industrial tamén está a ser aproveitado polo alcalde do Valadouro como medio para conseguir votos a calquera prezo. Debemos aclarar de novo que os actuais terreos destinados a solo industrial foron adquiridos co remanente municipal, remanente derivado de mandatos anteriores ao do señor Maseda. Pese a proclamar hai anos aos catro ventos a promesa da colaboración doutros entes no proxecto, nin Suplusa nin Xestur apareceron no Valadouro para solucionar a carencia de infraestruturas industriais, polo tanto, o señor Maseda non foi quen de atraer aqueles cacarexados investimentos ao inicio do mandato, mesmo con despregamento de letreiros anunciadores.
Toda esta cerimonia da confusión só consegue a desafección dos veciños respecto dos políticos e das forzas políticas, pois ao sentirse enganada e defraudada, a veciñanza chega á conclusión de que todos os servidores públicos son iguais.
Desde o BNG queremos advertir aos veciños e veciñas do Valadouro de que non comunguen con rodas de muíño e que non se ceguen co fume que lles está a vender o señor Maseda, pois está utilizando temáticas tan sensibles como a vivenda, as infraestruturas destinadas ao lecer infantil ou o futuro industrial e laboral do noso concello.
Desde o BNG consideramos que cada voto representa un contrato asinado cun veciño ou veciña, polo que non andamos a prometer aquilo que non poidamos levar á práctica.
Entristécenos contemplar como outros candidatos ensucian a política abusando da credulidade dos veciños co único afán de manterse no poder.
Eduardo Chao González
Candidato do BNG á alcaldía do Valadouro
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
