Mondoñedo, 12 maio, 2019. A actual alcaldesa e candidata do PP á Alcaldía de Mondoñedo, Elena Candia, deu a coñecer esta tarde ante os veciños e veciñas o proxecto “creado pensando en Mondoñedo” e co que concorren de cara ao próximo mandato municipal. A popular asegurou que presentan “coa mesma ilusión pero con máis experiencia” o programa para que a “cidade continúe a avanzar”.
Durante o acto, a popular tamén fixo balance dos últimos catro anos de Goberno e tivo palabras de agradecemento para a candidatura que a acompaña, da que destacou que “conta con experiencia, pero que ademais inclúe xente nova, que quere a Mondoñedo e cre nel e no seu futuro”.
A candidatura popular aporta, segundo precisou Candia, “o aval da xestión durante o último mandato cuxo balance corrobora o cumprimento dun programa electoral co que conseguimos “melloras para a nosa localidade, dotándoa de novos servizos e xerando unha imaxe en positivo, como un escenario de oportunidades”
Centrados nos servizos sociais, no emprego e no turismo
O programa, que se está a repartir de xeito presencial e casa a casa, presta atención aos servizos sociais, ao emprego, á industria e ao comercio, así como ao rural, á mocidade, á educación e á cultura. Sen esquecer, por suposto, os eidos deportivo, vivenda, urbanismo e medio ambiente.
En liñas xerais, un dos seus piares fundamentais é o dos servizos sociais, “orientado a quen máis o necesita, tanto aos nosos maiores como aos nenos”, explicou Candia.
A popular lembrou que durante este último mandato, “recibín con moita ilusión o logro de que se abrise o centro de día ou que se estea a dotar agora dunha Unidade de Alzheimer”. No programa electoral, “comprometémonos a ampliar a residencia da terceira idade e a posta en marcha de apartamento tutelados”.
Para os nenos, nestes catro anos ampliouse a gardería, creouse unha ludoteca e púxose “especial coidado no apoio á conciliación da vida familiar e laboral, polo que podemos dicir alto e claro que Mondoñedo hoxe conta con servizos nesta área”. Está tamén en funcionamento o Servizo de Atención Temperá. O noso compromiso é que este Servizo de Atención Temperá conte cun novo perfil profesional, o do fisioterapeuta; que se cree tamén un centro residencial para nenos e nenas en situación de desprotección, ademais de apoiar ás asociacións que aposten pola inclusión social.
No eido da administración local, a alcaldable fixo fincapé na forte aposta desenvolvida para incentivar Mondoñedo como un concello con oportunidades onde investir. Co PP no Concello, aprobouse o PXOM, que dá seguridade xurídica, tamén se promoveron axudas para o empredemento, colaborouse na tramitación e apostouse por dinamizar as instalacións sen uso, con apoio ás empresas. A popular asegura que “a nosa pretensión é a de seguir traballando neste senso, concedendo axudas e incentivos para fomentar a implantación de novas actividades tanto no polígono — sumaríanse ás dúas licenzas concedidas entre 2015 e 2019 —, como nas instalacións sen uso. Contribuiremos tamén á promoción e desenvolvemento do sector servizos e á dinamización do centro comercial”.
Elena Candia tamén destaca a forte aposta polo turismo. Cita, entre outras actuacións, que son unha realidade, a creación de novos recursos como é o Museo Cunqueiro. Neste eido, “traballaremos na súa posta en valor, así como na construción dun museo da imprenta, ademais de desenvolver un intenso traballo coas axencias e co sector para que Mondoñedo sexa fin de etapa do Camiño de Santiago”.
Comprometidos co sector primario e co rural
No programa, co que concorre a candidatura popular aos comicios do 26 de maio, tamén ten un espazo destacable o sector primario, con compromisos como o de garantir o apoio á marca Horta de Mondoñedo e ás asociacións de produtores.
Elena Candia implicouse durante estes últimos catro anos para dotar ao rural de máis infraestruturas. A popular citou como exemplos a posta en funcionamento do saneamento en Lousada e está en execución o de Sasdónigas e “comprometémonos a novos proxectos en algúns barrios que o soliciten”, engade. Ademais, actuouse no acondicionamento de firmes e pistas no rural en todas as parroquias e continuarase a traballar neste senso. Outro dos obxectivos do PP é que cada parroquia teño o seu local social. Neste catro anos, creouse un en San Lázaro; melloráronse o de Lindín e Sasdónigas e o de Oirán así como a escola desta parroquia; e finalizouse o de Masma. “O noso compromiso é o de mellorar o local social de Santa María Maior e crear un en Viloalle”, precisa a alcaldable.
Por último, no programa electoral, tamén teñen un espazo destacable a mocidade, a educación, a cultura, os deportes e o coidado do medio ambiente, entre outras accións, con facilidades no acceso á educación, máis alternativas de ocio e activades culturais, convenios coas universidades ou o impulso de campamentos para os mais novos.
Candidatura baixo o lema ‘Centrados en Mondoñedo’
A candidatura popular, integrada por 21 persoas, de todas as idades e profesións, pero que comparten un único lema ‘Centrados en Mondoñedo’ e defenden que “Queremos un goberno cercano e dispoñible, un goberno para todo Mondoñedo, un goberno para todos vós, cunha administración aberta e colaboradora”.
1. María Elena Candia López
2. Manuel Ángel Otero Legide
3. María Ángeles Rodríguez Rico
4. José Otero Rejes
5. Manuel Tapia Rivera
6. Alberto García Fernández
7. María Patricia Otero Doural
8. Beatriz Meilán Rego
9. Sabina del Pilar Allande Menéndez
10. Pascual Jesús Ares López
11. Pablo Redondas Losada
Suplentes:
Isidro Maseda Varela
María del Pilar Díaz Fernández
María Milagros Martínez Rivas
Marcos Candia Cuba
José Ramón Díaz Barreira
Sonia Fernández Cillero
Ana Mel López
Luciano Javier Folgueiro Lorigados
Luis Otero Pena
José Aquilino Bouso García
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
