Burela 12-5-19. O candidato de Compromiso Por Galicia á alcaldía de Burela, José Luís Moñita, propón a creación dun aparcadoiro subterráneo debaixo da estación de Feve como medida dinamizadora, “xa que existe espazo de sobra e sería unha forma inmellorable de defender o comercio en Burela, aplicando en conxunto uns descontos para os usuarios que compren no comercio da vila”.
“Dende o Concello faríamos todo o necesario para crear este aparcadoiro, aínda que como é lóxico teríamos que falar con ADIF e buscar o financiamento axeitado para iniciar o proxecto”, advirte Moñita que, ademais di: “Non imos caer no erro de prometer algo que aínda non podemos asegurar, xa que non temos nin os terreos ni o financiamento, pero si podemos prometer que imos facer todas as xestións posibles para que este aparcadoiro subterráneo e o viveiro de empresas sexan unha realidade”.
“Encima do aparcadoiro a nosa idea sería crear un viveiro de empresas que axude a dinamizar a economía local e que lles dea una oportunidade a baixo custo aos nosos emprendedor@s, autónomos e empresarios para pór en marcha os seus proxectos”, sinala o alcaldable de CxG.
A proposta pretende o financiamento do aparcadoiro a cambio da xestión do mesmo durante un período de tempo que “ben poderían ser de 50 anos ou mais en función dos custes”. Neste caso, a empresa concesionaria estaría obrigada a facer uns descontos no importe do estacionamento en caso de que se lles presente o ticket de algunha compra feita no comercio de Burela.
Esta defensa do comercio de Burela iría reforzada coa instalación duns paneis interactivos nos que se podería encontrar sobre todos os comercios de Burela, e que estarían situados en puntos estratéxicos como as inmediacións do Hospital, a propia estación de autobuses e trens, a praza da Mariña e algún lugar máis. Moñita ten claro que “a mellor forma de defender o Comercio en Burela e traer xente a vila é que esta xente teña facilidade para aparcar e moverse. Os comercios, co seu bo facer, xa se encargarán de aportar o resto. Por riba, si ao mercar algo no comercio de Burela tes o aparcamento gratuíto o moi barato, mellor que mellor”
Moñita propón un aparcadoiro subterráneo na estación de Feve e a creación dun centro de empresas na mesma área, para revitalizar o comercio en Burela
Relacionado
-
O Festival da Terceira Idade de Alfoz homenaxeará ás persoas de máis idade e aos matrimonios que cumpren 50 anos
-
O PP de Barreiros acusa ao goberno local de parálise urbanística e de traballar aínda sobre documentación de 2018
-
Alfoz activa unha nova edición de ActivaMENTE para promover o envellecemento saudable
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
