A Pastoriza, 12 maio, 2019. José Bouso presentou este domingo nun encontro de confraternidade con ducias de veciños o seu programa de goberno e que levará á práctica a partires do día 26 se acada a confianza dos votantes nas urnas. Deste xeito, o candidato, arroupado polo senador electo por Lugo, José Manuel Barreiro, esbozou as principais liñas do seu proxecto que define como “realista, gañador e acorde ao que este concello demanda e necesita”.
O centro do seu programa “son as persoas”. Por iso, inclúe a creación dun centro de día con residencia, sen descoidar tamén a dependencia. En materia de infancia e conciliación familiar, aposta pola mellora do PAI e a instalación dun parque infantil. Asemade, impulsará axudas que favorezan a construción ou rehabilitacións no rural, así como para acceso á primeira vivenda e, con elo, incentivar a natalidade no municipio.
Tendo en conta que este concello é un dos que ten a maior porcentaxe de produción de cota láctea de Galicia, dende a entidade local artellarase o mecanismo necesario para prestar asesoramento a todos os rapaces que queiran incorporarse ao sector e sobre como facer máis rendible a súa produción. Neste senso, tamén se traballará para impulsar o parque industrial e se establecerán as negociacións para dotar ao municipio de banda longa.
En cultura e ocio, inclúe a rehabilitación de antigas escolas e un programa ambicioso de actividades culturais, así como un impulso á pista de kárting, das escolas deportivas municipais e unha maior conexión e colaboración coas sociedades deportivas do concello.
En turismo, aposta pola creación dun punto informativo, promover a realización de novas xuntanzas veciñais, culturais e gastronómicas, ademais de mellorar as existentes.
Bouso, “garantía de futuro para A Pastoriza”
O senador electo destacou que “Bouso é unha garantía de futuro para A Pastoriza, xa non só pola súa implicación coa sociedade lucense en xeral, senón que atesoura os valores e a valía que se precisa en política e para dirixir un concello coma este, cun gran potencial no sector agrogandeiro, e que debería estar chamado a ser un referente en toda a Terra Chá”, afirmou.
Por este motivo, Barreiro agradeceu a todos os asistentes a participación neste encontro, así como a todos os compañeiros que acompañan a Bouso na candidatura. “Dar este paso ou implicarse como o estades a facer vós, non é fácil a veces. Por iso, quero poñer en valor o esforzo, a humildade e a entrega coa que o facedes. Todos os políticos debemos ter unha profunda vocación de servizo público e vós tédela. Así que, ánimo e a traballar para que o PP volte ao Concello, de onde xamais debeu saír”, sinalou.
E é que “votar ao Partido Socialista é, por exemplo, dicir non aos gandeiros”. “Proba delo é que a que hoxe é ministra Nadia Calviño, cando tiña responsabilidades en Europa, quería reducir a PAC un 30%”. Os produtores deste municipio veñen cobrando con cargo a estes fondos europeos uns 4 millóns de euros, “polo que xa vemos a importancia que teñen e tedes para os dirixentes do PSOE”, concluíu Barreiro
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
