Burela 29-5-19. O Pescados Rubén Burela FS e Juanma Marrube xa traballan no novo proxecto que regresará ao mellor espectáculo do fútbol sala en 2019-20, tras pechar os últimos detalles da renovación do técnico coa entidade laranxa para a vindeira tempada. “Estou moi contento por seguir no club. Preséntase un horizonte moi bonito, pero ao mesmo tempo moi complicado. Regresamos á Primeira División, unha das máis duras das últimas tempadas; creo que vai haber unha competencia brutal” explicaba o Mariskal, pechando un exercicio no que fixo historia.
A aposta da Familia Laranxa non tiña dúbidas. “Dende hai tempo xa o tiñamos claro. Juanma Marrube é unha peza imprescindible deste proxecto. Levamos dous anos traballando xuntos e é unha persoa da casa, coñece á perfección o club e a nosa base”, explicaba o presidente, Manuel Blanco, nunha das súas reunións co míster, en pleno proceso de configuración do novo Pescados Rubén Burela FS: “A nosa aposta é clara, xogadores da casa, xogadores galegos e sobre todo xente traballadora. Sabemos que temos un reto moi complicado por diante e a mellor forma para afrontalo é manter a filosofía destas dúas tempadas”.
O adestrador alfocego confía na filosofía que levou o equipo a ser campión de Liga para vivir outra experiencia bonita na elite: “Imos ter que estar moi preparados, club, xogadores e afección; sabemos que vai ser un cambio moi grande. Pasamos de ser campións de Segunda a ser o máis novo en Primeira. Tendo o reflexo do traballo destes dous últimos anos, seguiremos coa mesma esencia, co mesmo carácter e ganas de seguir sendo mellores”. A humildade e a dedicacón diraria serán as grandes garantías dun proxecto de continuidade, no que Juanma Marrube coincide cento por cento coa directiva: “Co descenso de hai dous anos, o club reestruturouse e planificouse cun bloque de xogadores con moita xuventude e experiencia, preparado para volver a Primeira e competir na categoría. Estamos formando un grupo sólido e ordenado e, sobre todo, moi traballador. Maioritariamente o bloque manterase, aínda que como marca a lei natural do deporte haberá algún cambio, que sempre é necesario”, valoraba así Juanma a renovación do cadro.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
