Viveiro 21-5-19. A candidata do BNG á alcaldía de Viveiro, Miriam Bermúdez, está a trasladarlle as súas veciñas e veciños que o seu grupo traballará desde o concello por unha política tributaria municipal que estea ao servizo da veciñanza porque, asegura Bermúdez “defendemos unha facenda municipal máis xusta e equitativa”.
En materia de política tributaria municipal, o BNG propón para os vindeiros anos a aplicación de criterios de xustiza social no ámbito da fiscalidade municipal, así como unha Ordenanza fiscal que premiará á veciñanza e ao comercio, hostalería e outras actividades económicas a recollida de calidade, a autocompostaxe e a redución da produción de residuos. Xs nacionalistas destacan a súa iniciativa de querer poñer en marcha un Plan de pago personalizado de impostos municipais para facilitarlle á veciñanza o pago de recibos fraccionadamente a través de ingresos periódicos (mensual, bimestral, trimestral ou semestral) a conta da débeda anual estimada correspondente a calquera dos seguintes recibos do padrón: IBI, IAE, IVTM e as taxas pola prestación do servizo de recollida de lixo e RSU de locais ou establecementos, entre outros. Un plan que ademais levará aparello unha bonificación na cuota íntegra destes impostos a pagar.
Co obxectivo de racionalizar e optimizar os recursos económicos e os investimentos, a candidata nacionalista, Miriam Bermúdez, recordaba estes días que no programa de goberno do BNG está contemplada a intención dxs nacionalistas de elaborar os primeiros meses de goberno un Plano Económico para o mandato do goberno municipal no que queden estabelecidas as prioridades en materia de investimentos, no cal terán que figurar as obras que se pretendan executar no medio prazo, coas partidas que previsibelmente sexan necesarias para a súa execución, dándolle prioridade a investimentos que procuren melloras ambientais e sociais. Asimesmo anuncia que reivindicarán á Deputación de Lugo, desde o goberno municipal, a consolidación do seu Plano Único de Cooperación cos Concellos e reclamarán da Xunta a integración no Fondo de Cooperación Local, como fondos incondicionados de cada concello, as subvencións finalistas, hoxe en día previstas nos orzamentos da administración galega e que responden a competencias locais (protección civil, infraestruturas rurais.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
