Viveiro 30-5-19. Dende o Concello realizáronse as xestións oportunas para a formalización da cesión de uso gratuíto de varios locais para a ampliación dos xulgados de Viveiro a favor da Consellería de Presidencia, Administracións Públicas e Xustiza, segundo o acordo adoptado polo Pleno da Corporación de data 4 de novembro de 2015, a proposta do grupo municipal do PSOE; remitido inicialmente á referida Consellería en data 10 de decembro de 2015, constando a súa recepción en data 15 de decembro de 2015.
Posteriormente, foime solicitado por D. Jaime de Olano que se volvese a enviar a referida documentación, non sei si o motivo foi por terse traspapelada a remitida inicialmente ou por outra razón; polo que, en data 14 de xuño de 2018 por este Concello dáse traslado novamente do referido acordo plenario reiterando a formalización da referida cesión.
Así mesmo, en data 16 de abril de 2019 dende o Concello de Viveiro remítese á Dirección Xeral de Xustiza un Rogo presentado por representantes do Xulgado de Violencia sobre a Muller do partido xudicial de Viveiro á Mesa Local de Coordinación contra a Violencia de Xénero para que se solicite á Dirección Xeral de Xustiza da Xunta de Galicia a habilitación dun espazo digno como sala de espera para as mulleres maltratadas que comparecen no Xulgado; xunto con este rogo remítese un escrito desde Concello dando conta á Dirección Xeral de Xustiza dos antecedentes realizados na tramitación da formalización da cesión coa finalidade de que se puidera ampliar e mellorar as instalacións e servizos dos Xulgados de Viveiro.
Polo exposto anteriormente, ante as manifestacións realizadas dende o Parlamento ao respecto, quero deixar constancia de que non é o Concello quen ten paralizada a tramitación para que o Xulgado poda dispoñer dun espazo digno para as vítimas de violencia doméstica ou de xénero, dende o Concello como se detalla anteriormente, en repetidas ocasións reiterouse o traslado da documentación aos efectos de proceder á formalización da cesión.
No día de hoxe, logo do tempo transcorrido tivemos a primeira comunicación ao respecto por parte da Xunta, na que se nos solicita o título de propiedade para a tramitación, o cal e mostra evidente de que por parte do Concello non estaba paralizada a tramitación.
Paréceme que é unha irresponsabilidade por parte do Vicepresidente da Xunta facer no Parlamento estas declaracións que son mentira.
A Xunta de Galicia sempre que se trata de tramitacións de expedientes do Concello, cando non ten saída ningunha bota a culpa á alcaldesa.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
