Riotorto, 21 de maio de 2019. O PSOE de Riotorto presentou este martes a candidatura coa que concorre o vindeiro 26 de maio ás Eleccións Municipais, liderada polo actual voceiro local, José García. No acto participaron o Secretario Xeral do PSOE na Provincia de Lugo, Álvaro Santos Ramos, e a Deputada do PSOE no Parlamento Galego, Patricia Otero.
José García comprometeuse “a gobernar para todos os veciños, deixando atrás a política de amiguismos á que nos ten acostumados o PP. Apostaremos pola plena transparencia e facilitaremos o acceso á información e documentación pública do Concello, ao contrario do que sucede agora con numerosas trabas por parte do goberno municipal. Unha das primeiras medidas que realizaremos será rebaixar o IBI, pasando do 0,65 ao 0,4, par aliviar a todas as familias de Riotorto que foron asfixiadas polo catastrazo do Partido Popular. Tamén baixaremos o imposto da recollida de lixo e aplicaremos bonificacións no recibo ás persoas que vivan no Concello”.
Recuperar as prestacións no rural
O Candidato socialista subliñou que unha das prioridades será recuperar os servizos públicos básicos do rural, pois o Alcalde do PP os ten totalmente abandonados. Para iso, melloraremos as pistas forestais e dotaremos de sinalizacións aos diferentes núcleos e parroquias do Concello. Dende o PSOE elaboraremos o PXOM para definir o Riotorto que queremos no futuro e non o que nos impoñan dende a Xunta”.
Máis servizos sociais e emprego
“Melloraremos os servizos sociais para que os maiores de Riotorto sexan atendidos como se merecen. O faremos ampliando o número de horas do Servizo de Axuda no Fogar, atendendo, deste xeito, a demanda que o actual goberno non está a prestar. No eido das políticas de emprego, ofreceremos cursos de formación para os mozos do Concello, facilitando a súa inserción no mercado laboral”.
Potenciar o turismo en Riotorto
“Impulsaremos a Feira do Ferro para conseguir traer a máis expositores dotándoa dun maior presuposto. Ademais, delegaremos a organización á Asociación de Ferreiros, que son os verdadeiros protagonistas da cita. Fomentaremos os valores turísticos de Riotorto para facilitar a chegada de máis visitantes, entendendo o turismo como un dos piares de desenvolvemento do noso municipio. Tamén incrementaremos a axuda ás comisións de festas, apoiaremos os mercadillos trimestrais e revitalizaremos a Feira da Augaxosa”, destacou García. Neste eido, Santos Ramos puxo en valor a forte aposta do PSOE dende o Goberno da Deputación para dinamizar o turismo de Riotorto, pois achegaron máis de 100.000 euros para a celebración de diferentes citas, como a Feira do Ferro.
1,3 millóns achegados polo PSOE dende o Goberno da Deputación
O Secretario Provincial detallou os máis de 1,3 millóns de euros de investimentos que achegou o PSOE ao Concello dende o Goberno da Deputación para servizos públicos. “Financiamos a mellora dos accesos a Moxueira e Chacín, o acondicionamento das vías municipais en Santalla, Espasande de Arriba, Santamarta, Vilaseca-Lamas e Eirredondo-Teixeiro, e dotación de 25 novos alumeados, a reconstrución do muro en Ferraría…e que fixo o PP dende a Xunta? Nada”, censurou Santos Ramos.
Candidatura renovada
O PSOE de Riotorto presenta unha candidatura transformada e renovada, moi ilusionada e con moitas ganas de traballar para o Concello. As persoas que integran a lista son José García Freije, Francisco Fernández Veiga, Aitor Rey Díaz, Alberto Gómez López Antonio García Mel, Gabriel Fernández Dasrribas, Jesús José Moiron Alonso, Victor González Leivas, Hortensia García Freije, Daniel Bouso Rodríguez, María Elisa Lamas Díaz.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
