Alfoz, 11 maio, 2019. O candidato do PP á alcaldía de Alfoz, Pepe Peinó, asegura que a candidatura popular “é un grupo equilibrado de tendencias laborais, procedencias e idades. Somos un equipo, non só unha persoa, que pretendemos axudar a Alfoz e aos nosos veciños e veciñas”. De feito, “agardamos que co esforzo dos compoñentes da nosa lista e co apoio dos veciños e veciñas podamos facer do noso concello un mellor lugar para vivir”.
Con ganas de traballar, agradece ao pobo de Alfoz en xeral “por acollerme e permitirme desenvolverme no aspecto persoal”. De feito, ten participado en numerosas actividades educativas e culturais sendo impulsor, por exemplo, das Olimpíadas Rurais. Entre outros, ten palabras de agradecemento para Emilio Lousas; xa que durante o seu mandato á fronte co Concello o actual alcaldable tivo a oportunidade de dirixir o departamento municipal de Cultura.
Programa electoral
O cabeza de lista da candidatura popular avanza que “o noso programa electoral, traballado en conxunto durante os pasados días, é unha declaración de intencións, unhas liñas de acción sobre as que queremos traballar se saímos elixidos”. Nese sentido, sinala como prioritaria “unha xestión transparente, facilitar os trámites administrativos aos cidadáns e manter reunións frecuentes coas asociacións e colectivos do municipio”.
O programa dos populares ten en conta os principais sectores económicos de Alfoz e recolle a potenciación do rural e do sector forestal. Concretamente, propoñen potenciar a agricultura e a gandería ecolóxica así coma os produtos autóctonos. Tamén pretenden “impulsar o aproveitamento do solo agrícola” e “fomentar masas de explotación conxunta” ou demarcar zonas de carga; ademais de manter os camiños forestais do municipio”.
Todo isto sen esquecer iniciativas para a conservación do medio ambiente relacionadas coa “promoción de enerxías renovables, limpar os ríos e canles de auga; ademais de traballar na mellora da rede de saneamento”.
En materia de emprego e desenvolvemento económico, Peinó cita “a promoción de solo empresarial e industrial e o fomento da implantación de novas empresas e do crecemento das xa existentes”. E, en relación ao urbanismo, tamén apostan dende o candidatura do PP por “ordenar territorio do concello para a construción de vivendas” e facilitar a rehabilitación das existentes.
Asistencia social, cultura, educación, turismo e deporte
Os populares de Alfoz agardan “crear casas de maiores e un centro de día”; ademais de incrementar as horas de axuda no fogar, velar pola correcta distribución das axudas, promover outras de cara á conciliación laboral e familiar e fomentar a igualdade de xénero”.
En materia de educación, prometen “apoiar a implantación dun ciclo formativo no instituto Alfoz-Valadouro e colaborar estreitamente cos centros educativos”, segundo manifestou Peinó. Non esquece tampouco a organización de cursos de diversas temáticas que poidan resultar de interese ou crear aulas de teatro e música.
O alcaldable popular cre firmemente no potencial turístico do municipio e avanza a súa intención, de chegar ao Goberno municipal, de promocionar rutas e visitas aos centros de interese turístico ou propoñer o Mercado Medieval como Festa de Interese Turístico e Alfoz como destino “starlight”.
Pepe Peinó cre necesario “mellorar as instalacións deportivas municipais e crear escolas deportivas”. Igualmente, defende “a promoción de actividades deportivas para os veciños e veciñas de tódalas idades” tal e como recolle tamén o programa electoral do Partido Popular para Alfoz.
Candidatura
1. José Vázquez Peinó
2. Juan José Fraga Paz
3. Raquel Rouco Iglesias
4. Jacobo Geada Adrio
5. Jesica García Fraga
6. Daniel Rejes Trobo
7. Marco Vázquez López
8. Nerea Pena Vigo
9. Alberto Souto Saco
Suplentes:
Ana Martínez Rego
Jose Juan Lorenzo Rubal
Fernando Rico Val
Iván Fernández Pernas
Rebeca Fraga Paz
Gerardo Cao Veiga
Jesús Paz Pumares
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
