Técnicos de emerxencias da Mariña denuncian que o PP engana á poboación dicindo que o Pesca II realiza traslados sanitarios

 A Mariña 11-5-19. Nun sistema complexo de recursos de emerxencias, o PP engana á poboación, os técnicos de emerxencias aseguran que a misión do Pesca II non é realizar traslados sanitarios nin atende emerxencias en terra, a súa misión é marítima, realiza rescates e si que é certo que traslada a hospitais, loxicamente. Aseguran que a información dada polo PP é enganosa, o Pesca II si que realiza ocasionalmente rescates en terra en lugares de difícil acceso pero sempre con apoio do 061, xa que na dotación dos devandito recursos non dispón de médico.
Os técnicos de Emerxencias Sanitarias critican as explicacións dadas no Faro de Vigo, polo Director do 061 José Flores, na cal asegura que os recortes no servizo débense a unha modernización, “ninguén se pode crer que 3 traballan mellor que 4”. A Ambulancia Medicalizada da Mariña leva 9 anos traballando e consideran que é un servizo consolidado, o director asegura que priorizase os traslados interhospitalarios, pero os técnicos lembran que a SVA da Mariña no total de servizos o 70% do seu traballo son servizos primarios, é dicir que atendes as emerxencias na rúa como poden ser; paradas cardiorespiratorias, accidentes de tráfico e laborais, hipoglucemias, etc…
De feito polo motivo de realizar traslados en moitas ocasións a SVA atópase fóra da comarca e non está dispoñible para atender á poboación. Na devandita entrevista asegura que respectan os servizos que xa existían, os técnicos recalcan que mente reiteradamente pois este recurso leva 9 anos prestando servizo.
O persoal Técnico considera que os novos pregos para a contracción do servizo sanitario urxente discriminan á comarca da Mariña, que converten aos mariñáns en cidadáns de segunda, o 061 equivócase e despreza a unha comarca enteira.