Mondoñedo 15-6-19. Durante a súa intervención, Elena Candia asegurou que “supón un gran orgullo ter a responsabilidade de ser alcaldesa dunha das mellores cidades do mundo”.
“Moitas gracias aos veciños, aos compañeiros, aos compañeiros de oposición e á familia. E gracias a todos os que dunha maneira ou doutra, me axudan a que os proxectos para Mondoñedo sexan unha realidade”, dixo.
Asegurou que foron “catro anos de intenso traballo con 61 Plenos e 140 Xuntas de Goberno. Traballouse sen descanso para intentar gobernar para todos e todas. Buscamos ensinar ao mundo a mellor imaxe de Mondoñedo para que Mondoñedo soase en positivo”.
Agora, “empeza un novo mandato, que ten que construírse cos mesmos valores, cos mesmos principios e sen baixar dende logo a intensidade no noso traballo. Non se entende un proxecto político que non se centre en valores sólidos, como son a coherencia, a honradez e dicíndolle a verdade á xente”, considera.
Asegurou que seguiremos tendo como prioridade “o coidado dos nosos maiores. Tamén continuaremos a impulsar a rehabilitación para dinamizar e fixar poboación. Seguiremos aproveitando os nosos recursos para seguir posicionando o noso concello como o que sabemos que é: un destino turístico recoñecido, colaborando coa entidade privada e apostando dunha maneira forte polo Camiño Norte. A nosa cultura e o noso patrimonio inmaterial tamén son elementos que dinamizan e crean postos de traballo”.
Engadiu que “crear emprego é sen dúbida un dos principais retos. Fomos quen de reducir o desemprego dunha maneira mantematicamente indiscutible pero ten que seguir sendo o punto primeiro da nosa axenda de traballo”.
Tamén, “temos moi en conta o noso rural. As nosas 14 parroquias, que ven neste concello unha administración que as ten na súa axenda, con infraestruturas, investimentos e con xestos”, asegurou.
Todo isto, matizou, dentro “dun escenario, cunha contabilidade ordenada, mirando polos dereitos dos traballadores deste Concello, peza clave para poder materializar o noso proxecto e con absoluta transparencia”.
Por iso, “pedimos a colaboración de todos. Primeiro da oposición, aos que lles traslado o agradecemento polos proxectos nos que deron o seu apoio. Non diminuiremos a capacidade de diálogo. Tamén agradecemos a todos os veciños e asociacións, que traen propostas, proxectos e ideas. Un Concello constrúese entre todos os veciños e vecinas”.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
