Santiago de Compostela, 26 de xuño de 19. A parlamentaria socialista Patricia Otero esixiulle hoxe á conselleira de Obras Pública que inicie as obras de saneamento da Ría de Viveiro, que a UE esixiu en 2010 e que a Xunta leva adiando dende entón poñendo en risco os 2,4 millóns de euros dispoñibles dos fondos Feder. Otero presentou unha pregunta oral no Pleno do Parlamento para esixir “axilidade” por parte de Augas de Galicia para iniciar as actuacións.
A responsable socialista retrucoulle á conselleira, que sinalara que o Concello se vira “superado” pola situación, que “o único superado foi o PP nas últimas eleccións municipais”, e preguntoulle “se estariamos a falar deste incumprimento se en Viveiro gobernara un alcalde do PP”. Puntualizou que “non lles estamos a pedir que lles guste que goberne María Loureiro nin o PSdeG, estámoslle a pedir a Augas de Galicia que realice as obras de saneamento pendentes”.
Otero alertou que Galicia está en serio risco de perder os fondos europeos se a Xunta incumpre coa data límite posta pola UE, en decembro de 2020, para rematar coas obras. Esta data, lembrou, foi fixada en 2010, ao que o goberno galego respondeu en 2011 anunciando a execución en 2015, pero “estamos a xuño de 2019 e as obras nin sequera están iniciadas”, e alertou de que “tampouco van cumprir” co novo prazo fixado para 2019.
A parlamentaria socialista esixiulle á conselleira que comece co proxecto de saneamento da ría coa retirada do antigo emisario submarino, como paso previo á instalación dun novo, así como dunha nova estación de bombeo en Celeiro e un novo depósito. Este é o segundo proxecto do saneamento que debera comezar coa construción dunha nova balsa, un novo pretratamento e unha nova desinfección da Edar de Viveiro.
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
