Mondoñedo, 8 de xullo de 2019.- A alcaldesa de Mondoñedo, Elena Candia, mantivo esta mañá unha reunión de traballo coa subdelegada do Goberno en Lugo, Isabel Rodríguez, e co xefe da Demarcación de Carreteras del Estado en Galicia, Ángel González del Río, na que lles volveu trasladar o seu interese polo arranxo da estrada nacional N-634 ao seu paso polo termo municipal mindoniense.
A rexedora de Mondoñedo recorda que “a estrada nacional N-634 é a alternativa que se usa cando a autovía A-8 pecha por mor da intensa néboa que se acumula no Fiouco e o seu mal estado impide unha circulación en condicións de seguridade”.
Candia interesouse tamén polo seguimento doutros proxectos a desenvolver no municipio para os que xa se estableceron partidas económicas nos Orzamentos do Estado. Concretamente, a alcaldesa popular preguntou pola solución ao problema coas escorrentías da A-8 en Vedrós e O Carme.
A xuntanza serviu, ademais, para asinar a cesión ao Concello de Mondoñedo da titularidade de dous tramos da antiga N-634 nas parroquias de Sasdónigas e San Vicente coa finalidade de poñelos á disposición da administración local, tal e como viñan demandando os veciños e veciñas.
Tralo remate fai uns meses das actuacións de asfaltado e repintado solicitadas ao Ministerio de Fomento, agora o Concello asinou as actas de cesión que permitirán a redución da burocracia aos veciños e veciñas. A partir de agora será o Concello o responsable de explotación e conservación da vía.
A alcaldesa de Mondoñedo traslada a Fomento e á subdelegada do Goberno o seu interese por arranxar a N-634
Relacionado
-
Ribadeo acollerá a presentación de Hostelería #PorElClima, iniciativa para reducir a pegada de carbono no sector
-
Portos de Galicia investirá 80.000 euros na renovación da cuberta dos departamentos de armadores de Burela
-
Portos de Galicia investirá 80.000 euros na renovación da cuberta dos departamentos de armadores de Burela
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
