Ribadeo, 23 de xullo de 2019. A Banda Municipal de Música de Ribadeo ofrecerá o seu tradicional concerto do Día da Patria este xoves, días 25, ás 20:30 horas no parque de San Francisco, aínda que se houbese mal tempo trasladaríase ao Teatro. O director da Banda, David Ballester, destaca que vai ser un concerto especial porque en dúas pezas tocarán alumnos e alumnas da Escola de Municipal de Música e Danza de Ribadeo e porque se cumpren dez anos da súa primeira actuación ao fronte da Banda ribadense.
David Ballester explica que “chegada a data do 25 de xullo, a Banda Municipal de Música de Ribadeo, como non podía ser menos e xa é tradición, vai facer o concerto do Día da Patria no parque de San Francisco ás oito e media da tarde”.
O director da Banda de Ribadeo salienta que “vai ser un concerto un pouco especial porque, ademais de como facemos todos os anos, tocaremos obras galegas de diferentes estilos e distintos compositores, nesta ocasión tamén imos ofrecer un par de pezas nas que van participar alumnos da Escola Municipal de Música e Danza de Ribadeo, que xa estiveran con nós o ano pasado no Ribadeo Indiano tocando unha peciña e este ano van participar tamén neste concerto cun par de obras”.
Ballester subliña que “xa que os músicos que van vir convidados da Escola estaban baixo a batuta de Rubén Solloso nas clases de banda da Escola de Música algúns dos temas van ser dirixidos por el. Ademais de ser especial porque veñen eses músicos, para min persoalmente é un concerto que vai ter un significado importante porque tal día como este hai dez anos era o meu primeiro concerto ca Banda. Entón o 25 de xullo farei dez anos xa dirixindo a Banda Municipal de Música de Ribadeo, o cal é un orgullo e un pracer”.
O director da Banda ribadense quere “convidar a toda a xente que estea este xoves por Ribadeo a que acuda ao parque de San Francisco e poida disfrutar da música da Banda Municipal de Música de Ribadeo”.
A Banda Municipal de Música de Ribadeo ofrecerá o seu tradicional concerto do Día da Patria este xoves, días 25, ás 20:30 horas no parque de San Francisco
Relacionado
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
