Mondoñedo, 1 de xullo de 2019.- A alcaldesa de Mondoñedo, a popular Elena Candia, asistiu esta mañá á reunión que mantivo a conselleira de Medio Ambiente, Ángeles Vázquez, cos veciños do casco histórico na que anunciou a convocatoria dunha nova liña de axudas para animar aos mozos e mozas a comprar vivenda en centros históricos.
A rexedora agradece a implicación da Xunta con estas axudas e avanza o interese por estender ao casco histórico a Área Rexurbe. As Áreas Rexurbe de interese autonómico están pensadas para núcleos históricos ou zonas especialmente degradadas que precisan dunha resposta áxil e integral tanto desde o punto de vista edificatorio como social, económico e mesmo ambiental.
Mondoñedo é un dos sete concellos nos que a Xunta puxo en marcha o Rexurbe en 2018, cunha actuación de rehabilitación nun edificio da Rúa Muíños de Arriba que permitirá dispoñer de dúas novas vivendas, e á que se lle dará continuidade este ano, xa que está previsto pechar un acordo co propietario do inmoble anexo para poder ampliar a intervención do IGVS neste barrio mindoniense. Actuacións que a alcaldesa pretende tamén que poidan beneficiar ao casco histórico, ademais de a este barrio tan emblemático do municipio.
Candia agradeceu na súa intervención a “sensibilidade e implicación económica que están demostrando desde a Xunta cos cascos históricos”. “Temos a obriga de estar entre os primeiros e liderar non só axudas económicas e cambios normativos para conservar os nosos cascos históricos, que son un escenario de oportunidades, un legado que herdamos con esa beleza patrimonial que é un atractivo turístico incrible”, precisou.
Máis de 10 millóns de euros desde 1999
A rexedora explicou que para Mondoñedo estas axudas “teñen que ser un complemento máis que permita proseguir a rehabilitación do casco histórico”. Así, avanzou que entre financiamento público e privado Mondoñedo leva investido no casco histórico máis de dez millóns de euros desde o ano 1999, unha contía moi importante. “Temos que ver o que está por conservar e temos que intentar que se complete ese entorno e que a xente coñeza as medidas e a implicación do Goberno galego para que se poidan beneficiar os mozos e tamén
as empresas relacionadas co sector”.
“O que une Mondoñedo e rehabilitación seguro que ten un bo recorrido”, concluíu.
Elena Candia agradece a implicación da Xunta coas axudas á rehabilitación e avanza o interese por estender ao casco histórico a área Rexurbe
Relacionado
-
Ribadeo acollerá a presentación de Hostelería #PorElClima, iniciativa para reducir a pegada de carbono no sector
-
Portos de Galicia investirá 80.000 euros na renovación da cuberta dos departamentos de armadores de Burela
-
Veciños da Avenida de América de Ribadeo crean un colectivo para defender os seus dereitos ante as obras do Concello
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
