Burela, 9 de xullo de 2019. O Concello volve organizar o Rastrillo Popular Solidario, que se celebrará o vindeiro domingo, 14 de xullo, de dez da mañá a tres da tarde na praza da Mariña. O concelleiro de Cultura, José Díaz, explica que se recupera este formato no verán. O obxectivo é facer unha edición este domingo e outra no mes de agosto.
O edil dixo que “para este domingo, 14 de xullo, imos ter outra edición do Rastrillo Popular Solidario en Burela. Xa o empezamos a facer no ano 2016 e tamén o fixemos en 2017 e 2018. Despois paramos un pouco porque vimos que ao mellor facelo unha vez ao mes non tiña moito senso, xa que os produtos eran case sempre repetidos, non había moitas novidades xa que viña un grupo parecido de xente, e vimos que había menos afluencia”.
José Díaz comentou que “decidimos recuperalo en verán. Probablemente faremos este rastrillo e outro máis en agosto. Son boas datas, hai moita xente pola zona que temos comprobado que no verán se achega, hai máis movemento de xente e é bo para todos”.
O concelleiro de Cultura lembrou que “os que se apunten teñen que doar dous quilos de alimentos ao banco de alimentos de Burela, esa é a única condición, e despois vender eses produtos de rastrillo a prezos moitas veces case simbólicos, esas cousas que ás veces temos gardadas na casa. Esperamos que haxa bo ambiente este domingo, 14 de xullo, entre as dez da mañá e as tres da tarde, que será o horario do rastrillo”.
José Díaz sinalou que “toda a xente que se queira apuntar ten que facelo a través da Casa da Xuventude en Burela, chamando ao teléfono 982 58 11 41, mandando un mail á casadaxuventude@burela.org ou achegándose as dependencias da Casa da Xuventude deixando nome, DNI e teléfono. E o domingo a partires das nove da mañá xa poderían recoller a súa mesa e aí colocar os produtos que teñan”.
O edil burelés adiantou que “faremos outro rastrillo probablemente a mediados de agosto, imos ver a resposta do que celebramos este domingo e o movemento de xente que hai, se é bo repetiremos en verán. O que non faremos é celebralo todos os meses de ano, simplemente limitalo a estes dous meses. Esperamos que haxa moita participación este domingo e moito movemento na praza da Mariña, porque son cousas que tamén atraen para que haxa xente tomando algo nos locais de hostalería de Burela. É o que tratamos de facer, conseguir cousas diferentes para os días de verán e que se mova un pouco a xente polo noso pobo”.
O 14 de xullo terá lugar unha nova edición do Rastrillo Popular Solidario, que organiza o Concello de Burela, e que só se vai celebrar nos meses de verán, en xullo e agosto
Relacionado
-
Lucía Legazpi López gaña a viaxe a Lanzarote no sorteo do Pasaporte de Acisa
-
Mondoñedo acolleu este sábado a XII Xornada Anual da SOGAMP, centrada nos retos da medicina preventiva
-
A Xunta impulsa en Ribadeo a celebración do foro ‘España Verde: un destino de calidade’ para reforzar a oferta turística da Mariña
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
