Mondoñedo, 24 de xullo do 2019. O BNG de Mondoñedo critica o mal estado de conservación e mantemento do cemiterio vello municipal e presenta un rogo para o pleno do vindeiro venres no que insta ao goberno municipal a que se corrixa o antes posible as deficiencias que presenta.
O cemiterio vello mindoniense é un punto de visita promocionado polo concello xa que ademais de albergar a tumba de ilustres personaxes mindonienses como Pascual Veiga, Álvaro Cunqueiro ou Leiras Pulpeiro, tamén ten a particularidade de contar con varios espazos diferenciados onde se soterraban as diferentes clases sociais da cidade.
Segundo o voceiro nacionalista no concello, Eloi Cabanas, este Ben de Interese Cultural presenta un mal estado de conservación, “as zonas verdes límpanse con pouca frecuencia e as tumbas e os panteóns teñen elementos rotos ou con ameaza de caída”.
Tendo en conta a época do ano, onde a afluencia de visitantes a este lugar é maior, o portavoz do BNG demanda canto antes medidas oportunas para a conservación e o mantemento do espazo e que se corrixan os puntos que fan perigar a seguridade física dos visitantes.
-ROGOS E PREGUNTAS-
O BNG no concello rexistra outros rogos e preguntas para o pleno do venres e que teñen que ver coas demandas que lles fan chegar os veciños e veciñas do concello.
Eloi Cabanas pide a instalación de marquesiñas no barrio de Pedrido, “esta é unha demanda das ANPAS do concello desde fai catro anos e aínda está sen materializar”.
Solicita un indicador dirección Maariz desde a N-634 e o arranxo dunha pista que vai desde a Casería a ata Barbeitas e tamén pregunta polo inicio das obras do aparcamento da Travesía Casas Novas xa que segundo BNG o pasado mes de marzo o Ministerio de Fomento aprobou o proxecto de acondicionamento do aparcamento por un orzamento de 131.174,47 €. “Non sabemos o motivo polo cal se demora tanto a execución do proxecto ou se existe algún problema co financiamento da obra”.
O BNG de Mondoñedo denuncia o estado de abandono que presenta o cemiterio vello municipal
Relacionado
-
Correos reforza en Cervo os servizos de proximidade con atención en domicilio e dúas oficinas no municipio
-
O BNG denuncia improvisación, suciedade e colapsos de tráfico durante o verán en Ribadeo
-
Concello de Ortigueira e Augas de Galicia activarán tres estacións de bombeo para levar a rede de saneamento a 300 vivendas en Senra e Cuiña
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
