Foz 17-7-19. A asociación cultural A Pomba do Arco organiza o martes 23 de xullo ás 20:30 na Casa da Cultura “Poeta Manuel María de Foz” unha palestra sobre a situación social e política nos territorios ocupados de Palestina no actual contexto de crise, desetabilización e guerra que se está a vivir no Oriente Medio.
A conferencia promovida pola asociación cultural A Pomba do Arco pretende achegar a grave situación humanitaria na que se atopan os cidadáns palestinas residentes nos territorios ocupados de Gaza de Cisxordania, privados dos máis elementais dereitos humanos, condenados á mais absoluta miseria pola actuación dos ocupantes sionistas, sometidos a unha auténtico réxime de apartheid na súa propia terra, perseguidos e encarcerados por loitar pola súa liberdade e expulsados do seu propio país, até o punto de ser milleiros os cidadáns palestinos que se atopan no exilio ou desterrados. A asociación cultural A Pomba do Arco quere lembrar que non esta a primeira ocasión na que a entidade se ocupa do xenocidio ao que se ten sometido o pobo palestino, tendo organizado xa no pasado outras actividades sobre esta mesma problemática.
A palestra correrá a cargo dun conferenciante de luxo, o portavoz da Fronte popular de liberación de Palestina para Europa Fayed Badawi, naceu en 1955 no campo de refuxiados palestinos de Tal az-zatar, en Beirut Leste, destruído en 1976 polos sionistas, residindo posteriormente no de Sabra e Chatila, onde as milicias da Falanxe libanesa, respondendo as orientacións das forzas de ocupación israelí, violaría, torturarían e asasinarían en 1982 entre 800 e 3.500 palestinos, nunha das máis grandes masacres da historia contemporánea. Fayed Badawi, licenciado en filoloxía árabe e estudante de medicina, carreira que debeu abandonar como consecuencia dos seus compromisos políticos, incorporouse á resistencia palestina aos 12 anos, participando en 1982 na batalla de Beirut, que obrigou aos militantes palestinos a abandonar as súas posicións no Libano camiño do exilio cara outros países árabes. Fayed Badawi dedicase nos últimos anos a participar en palestras por toda Europa co obxectivo de dar conta do que está a acontecer cos palestinos.
A Pomba do Arco considera de particular interese achegar un testemuño de primeira man do que está sucedendo en Oriente Medio, particularmente nun contexto político onde a zona está sendo tensionada por diferentes conflitos bélicos de carácter rexional onde as potencias internacionais operan como actores centrais. Neste sentido Fayed Badawi botará tamén unha ollada a situación en Siria, estado que coñece a perfección por ter resido nel durante épocas, en Irán, sometido a un brutal bloque que ameaza con dobregar a súa economía e coloca a súa poboación nunha situación limite e tamén en Iemen, victima dunha agresión externa a mans de Arabia Saudita que esta a provocar miles de mortos diante do silencio cómplice da comunidade internacional. Xa por último a Pomba do Arco quere convidar a toda a veciñanza de Foz e da Mariña a unha conferencia que representa unha oportunidade única na nosa zona para poder coñecer de primeira man a situación en Palestina co testemuño dun dos seus autorizados protagonistas.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
