Ribadeo, 24 de xullo, 2019. A Asociación de Persoas con Discapacidade de A Mariña Lucense (A Mariña-COGAMI) desenvolve un programa de Desenvolvemento Integral que beneficia a 11 persoas usuarias da entidade procedentes de concellos da comarca de A Mariña.
Este proxecto é posible a través do financiamento dos fondos do 0,7% de IRPF da declaración da renda, procedentes das persoas contribuíntes que marcaron o cadro de “Actividades de interese Xeral consideradas de interese social” e que dende hai dous anos xestiona a Xunta de Galicia.
Este programa de Desenvolvemento Integral pretende promover a adquisición e mellora das habilidades sociais, formativas e prelaborais. Outras das finalidades que ten en beneficio das persoas con discapacidade de A Mariña é a de desenvolver técnicas que favorezan a habilitación funcional da persoa beneficiaria, reducindo a incidencia da discapacidade.
Todas as actividades que se levan a cabo no centro de recursos Palmeiro que a asociación A Mariña-COGAMI ten en Xove, teñen como finalidade a promoción do desenvolvemento integral das persoas con discapacidade, potenciando todo tipo de capacidades, non soamente as cognitivas ou intelectuais, senón tamén as que fan referencia a súa inserción social e ás relacións interpersoais, sen descoidar o mantemento terapéutico e a súa recuperación.
Para poder lévalo a cabo, este programa conta cun financiamento da Xunta de Galicia de 36.031,67€ procedentes da convocatoria de subvencións que as persoas contribuíntes derivan marcando a X Solidaria na declaración da renda.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
