Ribadeo, 13 de agosto de 2019. A Banda Municipal de Música de Ribadeo celebrará o seu tradicional concerto churrascada este sábado, 17 de agosto, ás nove da noite, no auditorio ao aire libre de Cabanela, no paseo marítimo ribadense. O repertorio estará integramente dedicado á música de pasodobres como homenaxe ás antigas bandas que amenizaban as festas nos pobos. A Banda de Ribadeo ofrecerá ademais o seu concerto de San Roque este venres, 16 de agosto, arredor das 13:30 horas.
O director da Banda Municipal de Música de Ribadeo, David Ballester, anuncia: “seguimos cos concertos de verán da Banda e nestas datas, cando chega o 16 de agosto, temos o concerto de San Roque que sempre facemos fronte á capela de San Roque, arredor da unha e media da tarde. Queremos convidar á xente que estea por Ribadeo este venres”.
Ballester sinala que “o sábado 17 vai ter lugar no auditorio de Cabanela o xa tradicional concerto churrascada. É un concerto informal e outros anos dedicámolos a obras pop rock ou de diferentes estilos. Este ano, como novidade, quero convidar a toda a xente que lle guste botar uns bailes con pasodobres típicos de banda a que se achegue, ás nove da noite, ao auditorio de Cabanela xa que o repertorio vai ser todo pasodobres bailables. Queremos facer ese guiño ao papel que tiñan as bandas hai anos, que eran as responsables de animar as festas nos pobos. Tamén como un pequeno homenaxe a todo ese traballo que fixeron esas xentes das bandas de hai anos para animar as festas. Por iso queremos que a xente que veña a Cabanela a gozar do concerto non soamente escoite a música senón que tamén bote uns bailes. Convidamos a toda a xente que lle gusta a música de pasodobres e botar uns bailes a que se achegue este sábado, día 17, ás nove da noite ao auditorio de Cabanela”.
A Banda Municipal de Ribadeo celebrará o seu concerto churrascada no auditorio de Cabanela este sábado. Estará dedicado aos pasodobres
Relacionado
-
Rinlo acollerá o 1 de agosto unha nova edición da Festa do Percebe cun operativo de transporte e seguridade reforzado
-
O PSdeG de Xove reclama accións urxentes polo po en suspensión procedente da balsa de Alcoa
-
Lourenzá acolle este mércores a actividade “Xogando a aprender: Seguridade Viaria” na Praza do Conde Santo
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
