Ribadeo, 30 de agosto de 2019. A Consellería de Infraestruturas e Mobilidade destina 140.000 euros ás obras de reforma e modernización da estación de autobuses de Ribadeo, para as que presentaron ofertas cinco empresas.
O delegado territorial da Xunta en Lugo, José Manuel Balseiro, estivo hoxe nas instalacións para dar a coñecer as actuacións proxectadas, que afectarán a elementos estruturais, como cubertas, paramentos e pavimentos, e inclúen melloras na instalación eléctrica e na iluminación, así como nos aseos e noutras dotacións e servizos.
As reformas buscan “corrixir deficiencias propias do paso do tempo e mellorar a estética e a funcionalidade das instalacións”, dixo o delegado, quen sinalou que neste momento está en marcha o proceso de contratación das obras, que previsiblemente comezarán a finais de ano e quedarán completadas de cara á próxima primavera.
Entre outros traballos, actuarase na cuberta do edificio, coa substitución do canlón existente; e tamén na estrutura metálica da cuberta da dársena, na que se propón a retirada e reposición das pranchas e correas substituíndoas por outras novas, e a aplicación dun tratamento anticorrosión a piares e vigas.
Tamén se acometerán melloras no pavimento na zona de circulación dos autobuses, limparanse sumidoiros e acondicionaranse as portas exteriores da estación. Proponse ademais a revisión de luminarias da dársena e a súa substitución por outras tipo LED: de maior potencia, duración e capacidade de aforro enerxético.
Así mesmo, no interior do edificio arranxaranse falsos teitos, pintaranse paredes e acondicionaranse os aseos -nos que se renovarán as portas e se substituirán os inodoros-, entre outras actuacións.
Paralelamente, está previsto instalar un rótulo indicativo da estación de autobuses e potenciar a información ás persoas usuarias coa instalación de paneis informativos electrónicos para manter actualizadas as chegadas e saídas dos autobuses.
Balseiro lembrou que este proxecto “enmárcase dentro da aposta que está a desenvolver o Goberno galego pola mellora do transporte público e das súas infraestruturas estratéxicas”.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
Unha comedia orientada para público infantil escrita e dirixida por Bea Campos. Hora: 18h.
No marco do 8M, esta empresa de comunicación e publicidade decidiu celebrar a súa traxectoria reunindo a 18 mulleres diferentes para compartir as súas experiencias no ámbito persoal e profesional, co obxectivo de render un homenaxe á muller.
No acto, organizado coa colaboración da Vicepresidencia da Deputación e a área de Cultura do Concello, entregouse o Premio do Público ao filme Antes de Nós, de Ángeles Huerta, a obra máis votada pola cidadanía. A deputada de Cultura Iria Castro destacou que este encontro serve como adianto da gala e subliñou o orgullo de converter Lugo no epicentro do audiovisual galego durante estas semanas cheas de actividades arredor dos galardóns.
Cabe sinalar que o concello de Castro de Rei solicitou xa a súa adhesión ao novo convenio de xestión da biomasa nas faixas secundarias asinado entre a Consellería do Medio Rural e a empresa pública Seaga. Destacou así que a prevención é unha tarefa compartida por administracións e propietarios. Sinalou tamén as importantes novidades que presenta este convenio con respecto aos anteriores acordos, como é o incremento do orzamento, que ascende ata os 25 millóns de euros anuais.
A charla será impartida por Diego Fernández Méndez, colaborador da asociación, quen repasará a evolución do sector conserveiro e o seu impacto económico e social no municipio. A actividade inclúe un recoñecemento ás mulleres traballadoras de Conservas Albo, coincidindo coa conmemoración do 8M, cunha mención especial ás últimas empregadas que pecharon esta etapa histórica. A xornada rematará cunha degustación de produtos da marca.