Cervo, 30 de agosto de 2019.- O Concello de Cervo será o escenario da 1º Mini BTT Medela MTB o vindeiro domingo, 8 de setembro.
Este evento federado desenvolverase nun circuíto que foi deseñado e trazado pola organización no Monte de Lieiro, froito dun acordo coa Comunidade de Montes, propietaria dos terreos.
A cita deportiva, organizada polo Club Medela MTB, coa colaboración do Concello de Cervo, foi presentada polo rexedor, Alfonso Villares, o edil de Deportes, David Rodríguez, a edil de Educación, Dolores García Caramés, e por varios membros do ente organizador, David Riera, Víctor Riera e Diego Ballesteros; que estiveron acompañados polos pequenos que asisten cada día aos Enredos de Verán que tiveron a oportunidade de testar o circuíto, como unha actividade dentro deste programa de conciliación familiar deseñado polo Concello de Cervo para os meses de verán.
Tal e como explicaron, ao tratarse dun evento federado, as categorías xa veñen marcadas pola propia Federación Galega de Ciclismo e son: Promesa Fem., Principiante Fem., Infantil Fem., Infantil, Benxamín Fem., Benxamín, Promesa B, Promesa A, Principiante B, Principiante A, Alevín B, Alevín A, Alevín Fem.
Os pequenos que estean federados e interesados en inscribirse na proba poden facelo de xeito gratuíto a través do enlace
https://yosoyciclista.com/index.php/smartweb/inscripciones/prueba/12206 ou do Facebook/medelamtb; os non federados terán que abonar 5 euros o mesmo día da ruta tras cubrir previamente o formulario no enlace https://docs.google.com/forms/d/e/1FAIpQLSd9nBprfkYaxNVP3AbtuQx0ww1xO8yrOgnLtLffVRiTLr2aPg/viewform?sp=sf_link&fbclid=IwAR31TovCH6P-9Yn7MsSqKM_Fflc7F2TFwDj_q_uLbZl3oI0Q21G_3LlaotY
O número máximo de participantes está fixado en 500 e o período de preinscrición remata o mércores, 4 de setembro, ás 23:59 horas.
Desde a organización explicaron que a recollida dos dorsais será o mesmo día da proba entre as 9:30 e as 10:30 horas, e os participantes poderán adestrar antes de que dea comezo a competición cuxo arrinque está previsto para as 11:00 horas, con carreiras programadas nas diferentes categorías durante toda a mañá ata as15:00 horas.
Precisaron que levan traballando no trazado do circuíto máis de medio ano e que as sensacións, logo das moitas horas de traballo investidas, son moi boas “porque xa foi probado neste tempo por moitos nenos procedentes de diferentes clubs da zona cunha gran acollida, polo que cremos que vai gustar”.
Villares quixo agradecerlles aos rapaces do Club Medela, unha vez máis, a súa gran dedicación “xa que están a investir moitas horas do seu tempo para poder poñer en marcha iniciativas deste tipo conseguindo que Cervo sexa un escenario excepcional e un referente para a práctica do ciclismo e inculcando desde as idades máis temperás a importancia que ten actividade física no día a día”. Polo que desde o Concello –engadiu- “non podemos máis que poñernos á súa disposición e colaborar en todo canto está na nosa man, como sempre vimos facendo con todas as asociacións e colectivos que traballan polo dinamismo do noso municipio”.
No recinto haberá venda de bebidas, bolos preñados e empanada; e habilitarase unha zona para o estacionamento dos vehículos, recomendando aparcar na zona do Local Social de Lieiro.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
