Burela, 19 de agosto, 2019. O Pescados Rubén Burela FS mediuse o sábado a Movistar Inter, en Toledo, no segundo desprazamento da pretempada laranxa. “Fomos o Burela que queremos ser. Non puidemos levar a vitoria, pero con esta liña de traballo podemos conseguir o obxectivo que nos propuxemos. O equipo traballou moi ben, sobre todo en defensa, aínda que nos faltou acerto na finalización, algo lóxico de pretempada coa carga física de traballo” explicaba Luisma, co axustado marcador de 0-1, con diana de Gadeia.
O ala-pivote logroñés vivirá a súa terceira tempada na Mariña como unha das referencias de veteranía e solidez da filosofía do Mariskal: “Estou moi contento. Eu sempre dixen que se nun club estás a gusto e te valoran a categoría é algo secundario. No meu anterior equipo, Navarra, estiven nove anos e con Pescados Rubén así o sentín desde o primeiro momento, en Segunda División e agora en Primeira” apuntaba o 6 laranxa, disposto, coma sempre, a seguir entregando a mellor das súas versións e, sobre todo, o seu meticuloso traballo en 2019-20: “O obxectivo do equipo é claro; temos o nada doado reto da permanencia por diante. Cando acabe a primeira volta poderemos facer valoracións de como está o equipo e a que podemos aspirar” explicaba p Luisma, afanado en “axudar o equipo en todo que poida, coma sempre. Sabemos que este ano temos un cadro máis amplo e que o rol de todos vai cambiar un pouco, pero eu seguirei estando a disposición sempre; todos imos ser importantes dependendo das fases da tempada”.
Os pupilos de Juanma Marrube mergúllanse na cuarta semana de preparación amoldándose: “Pois estamos con moito traballo físico e puíndo aspectos tácticos, sobre todo en fase de axustar as incorporacións ao noso traballo. Aos poucos vanse adaptando á nosa dinámica, sobre todo á táctica do equipo; somos un bloque forte que xa sabía como traballar con Juanma e eles entraron ben. Michal ten o hándicap do idioma, pero está aprendendo e ten moita ilusión. Álex e Everton xa os coñecemos mellor. E Jacobo tamén se está adaptando moi ben e pódenos axudar moito na posición de pivote” concluía así Luisma, falando das caras novas nas filas burelistas.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
