Ribadeo, 2 de agosto de 2019. No mes de xullo un total de 25.333 persoas solicitaron información na Oficina de Turismo de Ribadeo e no Punto de Atención de As Catedrais, o que supón un incremento dunhas 500 persoas con respecto ao ano anterior.
Segundo a Concellaría de Turismo “a oficina do núcleo urbano de Ribadeo abriu durante todos os días do mes de xullo en horario de mañá e de tarde contabilizando un total de 9.668viaxeiros. Nesta oficina o día de maior afluencia foi o 26 de xullo con 491 persoas. No caso do Punto de Información Turística da praia das Catedrais rexistráronse 15.665 consultas. O día de maior afluencia foi o 28 de xullo con 748 viaxeiros atendidos”.
Desde a Concellaría de Turismo subliñan que “un dato que debemos resaltar este ano, e segundo a información recollida na Oficina de Turismo do centro da vila, é o aumento dos visitantes que nos confirman que dormen en Ribadeo. Así, con respecto ao mesmo período do ano pasado, tivo lugar un incremento do triplo nas pernoitas, chegando a facer noite nos establecementos de Ribadeo o 30% das persoas que realizan consultas na Oficina de Turismo”.
Madrid segue a ser o principal emisor dos turistas que chegan a Ribadeo cun 22%, xunto cos procedentes de Castela e León, Galicia e Andalucía. Euskadi, Castela-A Mancha e Cataluña son as seguintes comunidades autónomas emisoras. O turismo internacional procede, sobre todo, de Francia, Alemaña e Italia, seguidos despois de Reino Unido, Bélxica e Polonia. Desde América sobresaen os estadounidenses e os arxentinos.
Desde a Concellería de Turismo consideran que “se consolida o turismo estranxeiro. O estatal supón o 88% do total e o estranxeiro o 12% na oficina do centro da vila. No punto de información da praia de As Catedrais o 87,9 é estatal e 12,1% estranxeiro. Podemos dicir que o noso Concello recibiu visitantes de todas as comunidades do Estado Español e no tocante aos viaxeiros estranxeiros achegáronse persoas de máis de 40 países distintos”.
Ribadeo segue a recibir moito turismo organizado: un total de 71 grupos pasaron polo concello en xullo con 3.409 persoas. Eses grupos tamén acudiron a solicitar información ás nosas oficinas durante este mes. Na Oficina de Turismo da vila rexistráronse uns 29 grupos organizados con 1.392 persoas, mentres que polo Punto de Información Turístico das Catedrais pasaron 42 grupos con 2.017persoas.
Para a Concellaría de Turismo “os datos mostran, que o Camiño Norte colle cada vez máis relevancia conforme pasan os anos. Desta maneira moitos camiñantes escollen esta opción para realizar a peregrinación a Compostela. Producíndose desta maneira un incremento dos mesmos con respecto a anos anteriores. Dun tempo a esta parte, é habitual atoparmos con camiñantes polas rúas do centro da vila.
Xeorutas
Neste mes de agosto a Área de Desenvolvemento Local, Economía e Turismo do Concello de Ribadeo organizará percorridos guiados (Xeorutas) a través dos que se poderá descubrir o seu importante patrimonio natural.
Estes roteiros comezarán ás 11.00 horas e terán unha duración aproximada de 3 horas. Serán de balde e as prazas estarán limitadas. Para formalizar a reservas poderán facelo na Oficina de Turismo de Ribadeo ou chamando ao 982 128 689.
Desde a Concellaría de Turismo explican que “se trata dunha serie de Xeorutas, para todos os públicos, nas que se mostrarán aspectos coma o importante patrimonio xeolóxico presente ao longo de todo o litoral, que vai dende o conxunto de arcos rochosos máis importantes da península ata a maior estrutura xeolóxica da mariña lucense”.
Haberá dúas Xeorutas:
-A Xeoruta dos Pregues, onde se descubrirá unha das maiores estruturas xeolóxicas da Mariña Lucense, o gran pregue que se estende dende a Ría de Foz a de Ribadeo. Esta terá lugar os xoves 8 e 22 de agosto e mércores 14 de agosto.
Punto de encontro: na área recreativa da Areosa (Piñeira). Coordenadas: 43.556003, -7.064298
-E a Xeoruta dos Ollos, para saborear os tesouros xeolóxicos e gastronómicos do treito litoral do fermoso pobo mariñeiro de Rinlo. Esta desenvolverase os luns 12, 19 e 26 de agosto.
Punto de encontro: praza de Santa Catarina en Rinlo. Coordenadas: 43.556618, -7.103334
No mes de xullo un total de 25.333 persoas solicitaron información na Oficina de Turismo de Ribadeo e no Punto de Atención de As Catedrais, o que supón un incremento dunhas 500 persoas con respecto ao ano anterior
Relacionado
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Ofreceranse as seguintes modalidades e horarios: adestramento de forza/funcional os luns e mércores ás 9.00 horas; pilates os luns e mércores ás 11.00 horas; e TRX os martes e xoves ás 9.00 horas. A inscrición e a información sobre estes cursos realizarase na recepción da Piscina Municipal. Ademais, durante este mes habilítase a opción de proba gratuíta.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
