Ribadeo, 16 de agosto de 2019. O Mercado dos Domingos celébrase na contorna da praza de Abastos de Ribadeo ata o 13 de outubro. Esa xornada terá lugar a Festa da Horta. Pero antes os días 1 e 22 de setembro chegarán o Toma Tomate e o Pemento Fest respectivamente. O concelleiro de Desenvolvemento Local, Pablo Vizoso, presentou a axendiña do Mercado dos Domingos.
O edil ribadense lembrou que “o concello de Ribadeo aposta desde hai moitos anos polo desenvolvemento dun espazo de consumo local como é o Mercado dos Domingos. Este mercado celébrase todos os domingos na contorna da praza de abastos e terá duración ata o 13 de outubro”.
Vizoso dixo que “o Mercado dos Domingos é un mercado de produtores e produtoras da zona, un mercado directo, achegando así os produtos ás persoas consumidoras, das persoas produtoras á mesa poñendo en valor a economía máis próxima, potenciando o consumo de temporada e saudable, coidando do medio e con garantías de calidade e frescura”.
O concelleiro de Desenvolvemento Local contou que “neste espazo podemos atopar 13 postos cunha oferta ben diversificada, todos procedentes da zona e no que predominan os produtos da horta procedentes de Ribadeo e no que tamén poderemos atopar coitelería, pan, ostras, queixo, embutidos, zumes, doces ou cervexas, entre outras cousas”.
Pablo Vizoso sinalou que “o Concello de Ribadeo quere apostar por este tipo de mercados e animar a participar deles, xa que así inxectaremos beneficios na economía local, alimentarémonos mellor e axudaremos aos pequenxs agricultorxs e produtorxs da zona ao tempo que apoiamos ao desenvolvemento rural, fomentamos a cultura, e o ocio en Ribadeo”.
O edil engadiu que “desde o Concello queremos ver este mercado de produtorxs non só coma un espazo para a venda, senón tamén coma un espazo para a divulgación dun modelo mais sostible e responsable, un espazo de ocio e gastronomía , e por iso esta tempada poñemos en marcha a axendiña do Mercado dos Domingos, que incluirá o desenvolvemento de diferentes eventos. Xa deu comezo o pasado 11 de agosto do Día do Produto Local, e seguirá o 1 de setembro co Toma Tomate!!, o 22 de setembro co Pemento Fest e rematará o 13 de outubro coa Festa da Horta. Dentro destes eventos contaremos cun espazo dedicado á divulgación da sostenibilidade, a xerar conciencia sobre o consumo responsable e a promoción da economía local e máis próxima e non faltará tampouco un espazo para ocio, onde atoparemos musica e gastronomía”.
Pablo Vizoso animou “ás persoas a que visiten Ribadeo e busquen o noso espazo local de consumo: o Mercado dos Domingos”.
O Mercado dos Domingos celébrase na contorna da praza de Abastos de Ribadeo ata o 13 de outubro. Esa xornada terá lugar a Festa da Horta. Pero antes os días 1 e 22 de setembro chegarán o Toma Tomate e o Pemento Fest respectivamente
Relacionado
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
