Burela, 31 de agosto, 2019. O Pescados Rubén Burela FS estreou o seu periplo italiano con bo pé, selando o pase á final do 4 Nations Fusal Women’s Cup de Milán cunha clara vitoria sobre o Laguna Uor de Rusia (2-9). As Guerreiras Laranxas pelexarán mañá, ás 13.00 horas, polo título fronte ao gañador da segunda semifinal, entre o anfitrión, Kick Off C5 Milano, e o ucraíno Budstar FSF. A cita poderá seguirse a través da páxina de Facebook Divisione Calcio a Cinque.
As campioas do I Copa de SM A Raíña encamiñaron a cita nos primeiros compases, con diana da artilleira Peque, que xa ampliou vantaxe antes do ecuador da primeira parte. Cilene puxo o terceiro antes do descanso. No regreso á pista, Jenny Lores deu outro golpe de autoridade fronte a un rival que puido reducir distancias pouco despois. As pupilas de Julio Delgado non estaban dispostas a ceder e demostrárono coa súa finalización letal; do 1-4, en tan só un minuto ampliaron ata o 1-8, nas zapatillas de Ale de Paz, Luci, a meta Jozi e Lara Balseiro. Krupina volveu ter fortuna para mitigar o mazazo español, no 36, aínda que de pouco lle serviu. A tres minutos para o descanso foi a brasileira Jane a encargada de clausurar o triunfo co definitivo 2-9.
Ficha técnica
Laguna Uor: Navozova, Rodkina, Samaiilova, Chernova, Alemaikina, cinco inicial; tamén xogaron Margaryan, Enina, Samoilova, Krupina
Pescados Rubén Burela FS: Ana Romero, Dany, Peque, Cilene, Ale de Paz, cinco inicial; tamén xogaron Jenny Lores, Jenny, Lara Balseiro, Jane, Luci, Bea Mateos, Jozi
Goles: 0-1, minuto 2, Peque; 0-2, minuto 9, Peque; 0-3, minuto 14, Cilene; 0-4, minuto 27, Jenny Lores; 1-4, minuto 28, Krupina; 1-5,minuto 29, Ale de Paz, 1-6, minuto 29, Luci; 1-7, minuto 29, Jozi; 1-8, minuto 30, Lara Balseiro; 2-8, minuto 36, Krupina; 2-9, minuto 37, Jane
Árbitros: Luigi La Sorsa (Milano) // Silvia Volonterio (Como)
Incidencias: Primeira semifinal do 4 Nations Futsal disputada no Palazetto dello Sport de Milán
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
Unha comedia orientada para público infantil escrita e dirixida por Bea Campos. Hora: 18h.
No marco do 8M, esta empresa de comunicación e publicidade decidiu celebrar a súa traxectoria reunindo a 18 mulleres diferentes para compartir as súas experiencias no ámbito persoal e profesional, co obxectivo de render un homenaxe á muller.
No acto, organizado coa colaboración da Vicepresidencia da Deputación e a área de Cultura do Concello, entregouse o Premio do Público ao filme Antes de Nós, de Ángeles Huerta, a obra máis votada pola cidadanía. A deputada de Cultura Iria Castro destacou que este encontro serve como adianto da gala e subliñou o orgullo de converter Lugo no epicentro do audiovisual galego durante estas semanas cheas de actividades arredor dos galardóns.
Cabe sinalar que o concello de Castro de Rei solicitou xa a súa adhesión ao novo convenio de xestión da biomasa nas faixas secundarias asinado entre a Consellería do Medio Rural e a empresa pública Seaga. Destacou así que a prevención é unha tarefa compartida por administracións e propietarios. Sinalou tamén as importantes novidades que presenta este convenio con respecto aos anteriores acordos, como é o incremento do orzamento, que ascende ata os 25 millóns de euros anuais.
A charla será impartida por Diego Fernández Méndez, colaborador da asociación, quen repasará a evolución do sector conserveiro e o seu impacto económico e social no municipio. A actividade inclúe un recoñecemento ás mulleres traballadoras de Conservas Albo, coincidindo coa conmemoración do 8M, cunha mención especial ás últimas empregadas que pecharon esta etapa histórica. A xornada rematará cunha degustación de produtos da marca.
