Ribadeo, 5 de agosto, 2019. Co patrimonio cultural e paisaxístico do Camiño do Norte como escenario e a erradicación das violencias machistas como principal obxectivo, a campaña “Ribadeo, Camiño Seguro”, co-financiada polo programa “O teu Xacobeo” da Xunta de Galicia, quere concienciar sobre o dereito das mulleres a percorreren o mundo consigo mesmas.
A iniciativa, impulsada por Arabías Sociedade Cooperativa Galega coa colaboración das concellarías de Igualdade e Turismo do Concello de Ribadeo e 7H Cooperativa Cultural responsable da liña gráfica e o material audiovisual, procura impugnar os discursos que cuestionan a liberdade das mulleres para peregrinar e viaxar soas, garantindo espazos de seguridade ante posibles situacións de abuso a todas as visitantes deste concello da Mariña Lucense.
O proxecto, presentado publicamente o pasado 24 de xullo no Concello de Ribadeo, vén de iniciar a súa primeira fase a través dunha campaña de concienciación e sensibilización contra as violencias machistas asentada na convicción, resumida en forma de lema, de que “viaxar soas é unha opción e unha vida libre de violencia, un dereito”.
A través da difusión de carteis e folletos informativos en galego, castelán e inglés en albergues, establecementos hoteleiros e comerciais da comarca, a iniciativa convida ás mulleres que atravesan o municipio lugués a compartir as súas vivencias a través dun chío que inclúa os cancelos da campaña #RibadeoCamiñoSeguro, #OteuXacobeo #Xacobeo202 ou mediante o envío dunha nota de voz a través do Whastapp ao +34 609 050 176.
Pacto Local contra as violencias sexuais no Camiño
A recollida de testemuños, coa que se aspira a establecer medidas que garantan a protección das mulleres que deciden viaxar soas, complementarase coa voz de veciñas ribadenses, ás que se convidará a participar nun grupo de discusión orientado ao intercambio de experiencias que se organizará nos próximos meses, xunto a tres mesas de traballo, integradas por representantes políticos, persoal técnico e actores do tecido empresarial do concello, nas que se avaliará colectivamente a situación actual das violencias machistas na ruta de peregrinaxe.
A partir da información recompilada ao longo dos meses de campaña e das conclusións que se extraian dos encontros entre os diferentes axentes sociais do municipio, traballarase na elaboración dun Pacto Local contra a violencia sexual no Camiño do Norte.
Paralelamente a estas accións, dado que outros dos obxectivos da campaña é difundir a riqueza patrimonial e natural do itinerario a Santiago ao seu paso polo concello ribadense, nas vindeiras semanas o seu territorio será o obxecto de gravación dun vídeo promocional.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
