Cervo, 18 de setembro de 2019. O BNG de Cervo esixe responsabilidades á Consellería de Educación pola nefasta xestión do inicio do curso escolar no CEIP de Cervo e pide a dimisión da Conselleira de Educación, Carmen Pomar, e da Delegada Territorial de Educación, Mariña Gueimunde, polo desprezo co que están a tratar ás familias das nenas e nenos matriculados no centro. As crianzas aínda non puideron incorporarse a este curso académico nun edificio que segue sen contar cunhas mínimas condicións de seguridade e hixiene.
Diego Fernández, portavoz do BNG local e afectado na súa familia pola situación, denunciou que desde a Consellería de Educación non se informou correctamente do estado real do colexio nin se traballou para buscar solucións que permitiran o inicio do curso na data estipulada. En lugar diso, a Consellería culpabilizou ás familias dos trastornos no inicio do curso, acusándoas de estaren a mentir e a publicar nas redes sociais fotos e vídeos falsos. A Consellería tamén lles negou ás familias capacidade de acción e decisión, ao acusalas de ser marionetas dalgún partido político de esquerdas. Segundo Fernández, “as familias de Cervo non merecen unhas dirixentes que, non fartas con ser incapaces de reaccionar ante o atraso nas obras, dedicáronse unha e outra vez a culpabilizar e menosprezar ás familias e, incluso, a deixalas por mentireiras”. O concelleiro nacionalista afirma que “pedimos a dimisión de Pomar e de Gueimunde, porque unhas persoas con tanta capacidade de desprezo e falta de empatía coas familias e a comunidade educativa non poden ostentar ningunha responsabilidade relacionada coa educación”.
Fernández denuncia tamén que as únicas mentiras son as que conta a Consellería: non só mentiron ao dicir que o colexio estaba listo para comezar o curso, senón tamén ao insistir en que a comunidade educativa e as familias estiveron informadas en todo momento. Fronte a isto, o portavoz do BNG local destaca que “por Cervo non apareceu ningunha autoridade até o xoves pola tarde, momento no que a delegada territorial, Mariña Gueimonde, fixo unha fugaz visita na que non solucionou nada nin deu ningunha explicación, pero aproveitou para inventar que sufrira un ataque verbal, o cal que nunca se produciu, e espallar logo esa mentira de maneira pública polas redes sociais”.
A forza nacionalista lamenta, así mesmo, o silencio do alcalde Villares durante todo este conflito. O BNG recorda as fotos coa comunidade educativa que utilizou Alfonso Villares en plena precampaña electoral e bota en falta a defensa das familias cervenses ante o desprezo e os insultos dos responsable políticos do seu partido. Diego Fernández declarou que “unha vez máis, o alcalde Villares non soubo estar á altura do pobo de Cervo. Só se fai fotos cando benefician ao seu partido. Presume de ser o alcalde de todos, pero sempre antepón os intereses do PP aos de Cervo.”
O BNG de Cervo pide a dimisión da conselleira de educación e da delegada territorial polo seu continuo desprezo ás familias do concello
Relacionado
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos.