Viveiro, 24 de setembro, 2019. O Grupo Municipal do Partido Popular de Viveiro alerta de que o campo de fútbol Marcos Gómez, situado na zona de Cembedo, está a ser empregado “ultimamente como un almacén de obras”, malia ser un lugar destinado á práctica en xeral do deporte, no cal diariamente practican esta disciplina gran cantidade de nenos, ademais dos acompañantes e visitantes cando se trata de competicións deportivas.
Ante a gravidade da situación, piden ao goberno local que inicie as xestións que permitan buscarlle “unha utilidade pública-deportiva”, xa que tamén está a ser usado de aparcadoiro, depósito de vehículos e outros enseres que, ademais de obstaculizar a zona, dán unha imaxe “deplorable” de cara aos usuarios.
Ademais, os populares piden que se adapte para actividades deportivas ou como campo de adestramento para os numerosos equipos locais a ampla zona situada detrás da portería contra a praia de Covas, que está en desuso. Neste senso, os populares consideran que esta actuación tampouco suporía un elevado custe e melloraría considerablemente estas instalacións.
O recinto deportivo presenta un aspecto “lamentable” en xeral, ata o punto de que pode ser perigoso para os nenos, dada a cantidade de materiais e máquinas de obra que se atopan no interior e que para nada teñen relación coa actividade que alí se practica.
Por este motivo, e logo de varias queixas veciñais sen obter ningún tipo de resposta por parte do persoal municipal encargado das tarefas de mantemento e dos dirixentes locais, os populares deciron levar este asunto ao Pleno. En concreto, pedirán que se retiren todos os materiais que, de ningún xeito deben estar no recinto deportivo, e se proceda a limpeza do mesmo para que os rapaces poidan practicar deporte, así como habilitar a zona detrás da portería para facer posible a práctica de adestramentos. Deste xeito, daríase así resposta a outra demanda existente, xa que as instalacións para este fin, nalgunhas ocasións, son insuficientes.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
